"ვალენსიას" ვეტერანმა თავდამსხმელმა ედინსონ კავანიმ DAZN-თან ინტერვიუში განაცხადა, რომ თავისი ყოფილი გუნდის, "ნაპოლის" ჩემპიონობით ძალიან გაიხარა, ნეაპოლში გატარებული სამი წელი სიამოვნებით გაიხსენა, განსაკუთრებით, ჩრდილოეთის გუნდებთან დაპირისპირებები და მოგებული იტალიის თასი.
ურუგვაელმა თქვა, რომ მისი შვილები ლუკასი და ბაუტისტა ამ გუნდის გულშემატკივრები და ხვიჩა კვარაცხელიასა და ვიქტორ ოსიმენის ფანები არიან:
"ზოგიერთი ოჯახური პრობლემის გამო ნეაპოლში არ დავბრუნებულვარ, მაგრამ ოდესმე აუცილებლად დავბრუნდები. ჩემი შვილები "ნაპოლის" გულშემატკივრობენ. როდესაც სერია A-ს მატჩები ვერ მოიგეს და ჩემპიონთა ლიგიდან ვერ გავიდნენ, ჭკუიდან გადავიდნენ. ისინი დაიბადნენ და
გაიზარდნენ ქალაქში, რომელმაც მეც ბევრი მომცა. ასე რომ, მათ მიერ "ნაპოლის" ქომაგობა სწორია.
ჩემი შვილების კერპები? ბევრს ლაპარაკობენ კვარაცხელიასა და ოსიმენზე. თორმეტი დღის წინ, როდესაც ჩემთან მოვიდნენ, მაშინაც მათზე საუბრობდნენ. სასიამოვნოა, როდესაც იცი, რომ მათ ასეთი კერპები ჰყავთ".
"ნაპოლიმ" არჩევანი უკვე გააკეთა" - იტალიურმა პრესამ სპალეტის შემცვლელი და კვარაცხელიას ახალი შესაძლო მწვრთნელი დაასახელა
