ლა ლიგის ბოლო ტურში „ვალენსიამ“ გასვლაზე „ბეტისთან“ ფრეს (1:1) მიაღწია და სეგუნდაში გავარდნას გადაურჩა.
"ვალენსიამ" პრიმერა 42 ქულით მეთექვსმეტე ადგილზე დაასრულა.
მასპინძლები პირველივე წუთზე პერესმა დააწინაურა, რომელიც მამარდაშვილთან ერთი-ერთზე გავიდა და გაიტანა. სტუმრები ბევრს უტევდნენ. ალმეიდას გოლი თამაშგარეს გამო არ ჩაითვალა. 63-ე წუთზე ბრძოლაში ბურთი თითქოს სევილიელ როდრიგესს ხელზე მოხვდა, მსაჯმა თავიდან პენალტი დანიშნა, მაგრამ ხანგრძლივი განხილვის შემდეგ var-მა გააუქმა. თუმცა მალე ლოპესმა ანგარიში გაათანაბრა. 81-ე წუთზე ბოლო იმედის ჯარიმის გამო მუსა გააძევეს და "ღამურები" კაცნაკლული დარჩა. დარჩენილ და მსაჯის მიერ დამატებულ 12 წუთში აღარაფერი შეიცვალა და საბოლოოდ ფრე დაფიქსირდა.
კარიერაში ბოლო მატჩი ჩაატარა სევილიური გუნდის ლეგენდამ, ხოაკინმა, რომელიც 61-ე წუთზე შეცვალეს და თვალცრემლიანმა დატოვა მოედანი.
მეკარე გიორგი მამარდაშვილმა გასულ სეზონში შეუცვლელად ითამაშა, 45 გოლი გაუშვა, 7-ჯერ შეინახა კარი მშრალად, ბევრი კლუბი ეპატიჟება და შესაძლოა, "ვალენსია" დატოვოს.
სევილია. „ბენიტო ვილიამარინი“. 54 097 მაყურებელი
ბეტისი - ვალენსია 1:1
გოლები: 1:0 პერესი (1), 1:1 ლოპესი (71)
გაძევება: მუსა (81)
![alt](/pictures/image50/688aeb1da0a0d68ef975738592d2d26a.jpg "მამარდაშვილის "ვალენსია" წაგებას და ლა ლიგიდან გავარდნას გადაურჩა")
მამარდაშვილის სავარაუდო ტრანსფერი - "მესტალიადან" "სტემფორდ ბრიჯზე"?
![მამარდაშვილის გაძევება და ლევანდოვსკის ჰეთ-თრიკი - "ვალენსია" "ბარსელონასთან" დამარცხდა [VIDEO]](/pictures/image7/d8b9c9a28bb35fa7c1b48ea2de4dceb8.jpg "მამარდაშვილის გაძევება და ლევანდოვსკის ჰეთ-თრიკი - \"ვალენსია\" \"ბარსელონასთან\" დამარცხდა [VIDEO]")
!["ვალენსია" სტუმრად "ბარსელონას" 2:1 ამარცხებს - მამარდაშვილი გააძევეს [VIDEO]](/pictures/image7/e03e6a751bd32359a37973692d5b9ddc.jpg "\"ვალენსია\" სტუმრად \"ბარსელონას\" 2:1 ამარცხებს - მამარდაშვილი გააძევეს [VIDEO]")
