"მეცის" თავდამსხმელის, გიორგი მიქაუტაძის "იუვენტუსში" შესაძლო გადასვლის შესახებ, "ტუტოსპორტის" გარდა, სხვა მრავალი საინფორმაციო საშუალება იტყობინება. გთავაზობთ რამდენიმე ამონარიდს.
news.italy24: "სეზონი "იუვენტუსისთვის" ჩავარდნილი აღმოჩნდა, მისი მომავალი რუხ ფერებში მოჩანს და გუნდის გადახალისებაა აუცილებელი. გიორგი მიქაუტაძის დამატება ამ მიმართულებით გადადგმული ნაბიჯი იქნება. ის უნივერსალია, შეუძლია ცენტრალური და უკანდახეული თავდამსხმელის პოზიციაზე ითამაშოს. მისი სტილი ძალიან ჰგავს კვარაცხელიასას, რომელმაც ჩვენი სერია A მოხიბლა. საფრანგეთში პაპენსაც კი ადარებენ.
ქართველის შეძენით "იუვე" თვისობრივ ნახტომს განახორციელებს, რამეთუ ალეგრის გუნდი შეტევით შესაძლებლობებში შეზღუდულია. არკადიუშ მილიკი იჯარის შემდეგ "მარსელში"
დაბრუნდება, დუშან ვლაჰოვიჩმა მოლოდინი ვერ გაამართლა, იმედგაცრუება გამოიწვია და როგორც ჩანს, ტურინულმა კლუბმა თავისი მარგალიტი იპოვა. ამ ვარაუდების თანახმად, მიქაუტაძე შესანიშნავად შეესაბამება "იუვენტუსის" საჭიროებებს და გულშემატკივრები კვარაცხელიას მსგავს ტრანსფერზე ოცნებობენ. თუმცა თანამემამულეების მსგავსება არ ნიშნავს იმას, რომ ერთნაირი გავლენა ექნებათ, ვინაიდან სერია A რთული ლიგაა და შესაძლოა, ფეხბურთელის შემოქმედებითი პოტენციალი შეზღუდოს. თანაც, მიქაუტაძე კვარაცხელიასგან განსხვავებით, სრულიად სხვა საფეხბურთო სკოლის აღზრდილია".
Juvefc: "ჩაატარა რა ლიგა 2-ში ჩინებული სეზონი, მიქაუტაძემ "იუვენტუსისა" და სხვა კლუბების ყურადღება მიიპყრო. როგორც იტყობინებიან, "იუვე" შეტევის ხაზის გასაძლიერებლად ზაფხულში მისი გადაბირების ვარიანტს განიხილავს. ადრე ტურინულმა კლუბმა კვარაცხელიას ხელში ჩაგდების შესაძლებლობა ხელიდან გაუშვა, რაზეც ჯერ კიდევ გული სწყდება და მიქაუტაძის კანდიდატურის იმ ჭრილში განხილვა შეიძლება, რომელიც ამ იმედგაცრუების გადალახვაში შეუწყობს ხელს. ახლა კლუბი გიორგის ტრანსფერის განხორციელებას შეეცდება, მაგრამ დარწმუნებული იყავით, ის ისეთი ფეხბურთელია, რომელიც ალეგრის გუნდზე გავლენას მოახდენს და არამარტო იმიტომ, რომ შესანიშნავი ტალანტია".
Goal: "კიდევ ერთი ქართველი მზადაა სერია A-ში გამოჩნდეს. არაა გამორიცხული, მიქაუტაძე "იუვენტუსს" შეუერთდეს. მას შეუძლია ითამაშოს ცენტრფორვარდად, გარემარბად, უკანდახეულ თავდამსხმელად. სხარტია, განსაკუთრებით კი, ბურთის ფლობისას ტექნიკურობით გამოირჩევა".
Teamfootbal: "მიუხედავად იმისა, რომ "მეცთან" კონტრაქტი 2026 წლამდე გააგრძელა, ლიონში დაბადებული ფეხბურთელი "იუვენტუსს" დაახლოებით 15 მილიონი ევრო დაუჯდება. ეს თანხა ტურინელთათვის მნიშვნელოვანი სეზონის წინ გადაჭარბებული არ იქნება".
Teamfootbal: "მიუხედავად იმისა, რომ "მეცთან" კონტრაქტი 2026 წლამდე გააგრძელა, ლიონში დაბადებული ფეხბურთელი "იუვენტუსს" დაახლოებით 15 მილიონი ევრო დაუჯდება. ეს თანხა ტურინელთათვის მნიშვნელოვანი სეზონის წინ გადაჭარბებული არ იქნება".
![alt](/pictures/image50/3952579fca80f666ae7b51e1e8ad27d9.jpg ""იუვენტუსმა" მიქაუტაძის სახით მარგალიტი იპოვნა და კვარაცხელიას ხელიდან გაშვების იმედგაცრუება უნდა გადაალახვინოს" - იტალიური მედია")
ეს საინტერესოა - მიქაუტაძე "იუვენტუსში" მილიკს შეცვლის?
!["რამდენად მიყვარს საქართველო?" - გიორგი მიქატაუძის პასუხი, რომელიც ყველამ უნდა ნახოთ [VIDEO]](/pictures/image7/36b981a7c4376b11433ac51c28c7a0f7.jpg "\"რამდენად მიყვარს საქართველო?\" - გიორგი მიქატაუძის პასუხი, რომელიც ყველამ უნდა ნახოთ [VIDEO]")
![მიქაუტაძე: ჩეხეთში მოსაგებად უნდა წავიდეთ [VIDEO]](/pictures/image7/30b858b07fe112c8d0ba97d45658f578.jpeg "მიქაუტაძე: ჩეხეთში მოსაგებად უნდა წავიდეთ [VIDEO]")
