„ვალენსიამ“ ამხანაგურ მატჩში ლა ლიგაში დაბრუნებული „ალავესი“ 2:0 დაამარცხა.„ღამურების“ რიგებში ამ სეზონში პირველად ითამაშა მეკარე გიორგი მამარდაშვილმა, რომელმაც პირველი ტაიმის შემდეგ კრისტიან რივერო შეცვალა. აღსანიშნავია, რომ მამარდაშვილი მეორე ტაიმში გუნდის კაპიტანი იყო.
„ვალენსია“ გასულ სეზონში გავარდნას ძლივს გადაურჩა, გუნდი კიდევ რამდენიმე ფეხბურთელმა დატოვა და არაა გამორიცხული, მამარდაშვილიც დაემშვიდობოს. Fichajes.net-ი იტყობინება, რომ კლუბი ქართველის სწრაფად გასხვისებას ცდილობს, რადგან დროში შეზღუდულია, თუმცა სერიოზული წინადადებით ჯერ არავის მიუმართავს, მაგრამ თუ გიორგის ტრანსფერი განხორციელდა, მის შემცვლელად 31 წლის ფერნანდო პაჩეკოს (ესპანიოლი) დამატებას შეეცდება.
პატერნა. „ანტონიო პუჩადესი“
ვალენსია - ალავესი 2:0
გოლები: 1:0 ოზკაჯარი (40), 2:0 მარტინ ტეხონი (63)
![alt](/pictures/image50/f46af90fcb330c38113f6ee68cd11ada.jpg "მამარდაშვილი "ალავესთან" მატჩში "ვალენსიას" კაპიტანი იყო")
მამარდაშვილზე ძვირად სხვა მეკარეს იყიდიან? "ბაიერნი" ესპანელზე გადაერთო
