დღეს - კვარაცხელია და გაბრაზებული "ნაპოლი" ვერონაში, საზონოვი VS "ინტერი" და ქართველების სხვა საინტერესო მატჩები

სანაკრებო პაუზა დასრულდა და დაძაბული საკლუბო პერიოდი იწყება, უქმეების შემდეგ ჩემპიონთა ლიგის მე-3 ტური შედგება. იტალიის ჩემპიონატში საინტერესო ამბებს ველით - "ფროზინონეში" მეტ დროს ფორმაში შესულ გიორგი კვერნაძისთვის, საბა საზონოვის დაბრუნებას "ინტერთან" და ხვიჩა კვარაცხელიას თამაშს იმ სტადიონზე, სადაც სერია "ა"-ში სადებიუტო გოლი გაიტანა - დღეს, 21 ოქტომბერს, თბილისის დროით 17:00 საათზე.

"ფიორენტინასთან" საკუთარ მოედანზე (1:3) მარცხით გაბრაზებული "ნაპოლი" "ვერონას" ესტუმრება. მთავარი მწვრთნელი რუდი გარსია საკმაოდ დიდი ზეწოლის ქვეშაა. მიუხედავად დიდი ტერიტორიული სხვაობისა, ამ ორი გუნდის გულშემატკივრებს ერთმანეთთან ცუდი დამოკიდებულება აქვთ. ანგარიშში ასე არაა - ბოლო წლებში არაერთი ფრე ვნახეთ, მათ შორის, გასული სეზონის მიწურულს (0:0), როცა საშინაო მატჩში ხვიჩა კვარაცხელიამ დასკვნით ნაწილში ითამაშა. რაც შეეხება მოქმედი ჩემპიონების წინა სტარტს, ლოსანოს ჩაწოდება და კვარაცხელიას გოლი პირველივე ტურში ვიხილეთ, ნეაპოლელებმა კი დიდი ანგარიშით (5:2) გაიმარჯვეს. "კვარამ" იქ ზელინსკისაც გაატანინა.

ჯოვანი სიმეონე განვლილ სეზონში კარგად იყენებდა იმ შანსებს, რომლებიც ვიქტორ ოსიმენის არყოფნაში ეძლეოდა. ნიგერიელი სანაკრებო შეკრებაზე დაშავდა და ახლა წინა ხაზზე არგენტინელი იქნება. ტრავმირებულია ანგისა და სასტარტოში კაიუსტე უნდა იყოს. ტრავმის შემდეგ დაბრუნდა რაჰმანი და ის ნათანს შეუწყვილდება...

"ბენტეგოდიზე" გასამართ მატჩს აბისო განსჯის. ქართველი გარემარბის ანგარიშზე გოლი, 3 საგოლე პასი და მოპოვებული პენალტებია. "ნაპოლი" 14 ქულით მე-5 ადგილზეა და ლიდერ "მილანს" 7 ქულით ჩამორჩება. მომდევნო გაჩერება გერმანია და "უნიონთან" შეხვედრაა.



შაბათი, 20:00 - "ტორინო" (საზონოვი) - "ინტერი";

კვირა, 17:00 - "ბოლონია" - "ფროზინონე" (კვერნაძე).

კარგი სანაკრებო მატჩების შემდეგ გიორგი ჩაკვეტაძისთვის მეტი დროის გამოყოფას, გიორგი მიქაუტაძისთვის ნდობის გამოცხადებას და გიორგი მამარდაშვილის მორიგ დამაჯერებელ შეხვედრას ველით.

ინგლისი. ჩემპიონშიპი. შაბათი, 18:00 - "უოტფორდი" (ჩაკვეტაძე) - "შეფილდი";

ესპანეთი. "ლა ლიგა". ორშაბათი, 23:00 - "ვალენსია" (მამარდაშვილი) - "კადისი";

ნიდერლანდები. ერედივიზიონი. კვირა, 14:15 - "უტრეხტი" - "აიაქსი" (მიქაუტაძე).

ხვიჩას ბედნიერება, ტრადიციები, ნაკლები პომპეზურობა და ხალხი, რომელიც მუდამ ჩასაფრებულია - ვულოცავთ!!!

დე ლაურენტისი: "კვარა" ჯუნტოლიმ კი არა, ჩემმა შვილმა აღმოაჩინა