. . . . . . . . .უკვე მერამდენე შესარჩევი ეტაპია ველით ეროვნული ნაკრების დიდ ფორუმზე მოხვედრას. ველით ახალი იმედებით, მეტ-ნაკლებად ახალი სახეებით, თუმცა რას ვიღებთ? ტრადიციულ ბოლოსწინა ადგილს.
რამდენიმე წლის წინ UEFA-მ ევროპული ფეხბურთის ელიტაში მოსახვედრად ახალი ტურნირი დაამატა, სახელწოდებით "ერთა ლიგა", რაც ჩვენისთანა პატარა ქვეყნებს აძლევს იმის შესაძლებლობას, რომ საკვალიფიკაციო ეტაპით ვერმოხვედრის შემთხვევაში შანსი დაიტოვონ, იბრძოლონ და რანგით მეორე სანაკრებო ფორუმზე აღმოჩნდნენ, თავიანთი ქვეყანაც გაახარონ და თავადაც გაიხარონ.
2020 წელს საქართველო პირველად ევროპის ჩემპიონატს ერთ ნაბიჯში
მიუახლოვდა, ფინალში "დინამო არენაზე" ჩრდილოეთი მაკედონია მიიღო. მოგეხსენებათ, მაშინ კოვიდ 19 მძვინვარებდა, შემთხვევა შემთხვევაზე ფიქსირდებოდა. მიუხედავად ამისა, UEFA-მ მოგვცა უფლება, სტადიონზე 33%-იანი დასწრება დაგვეშვა, თუმცა კომპეტენტურმა ადამიანებმა ამაზე უარი განაცხადეს, რის შემდეგაც საქართველოს ნაკრები მაკედონიელებთან უდიდესი უპირატესობის, გულშემატკივრების გარეშე წარდგა. მახსოვს, გულმხურვალედ ქომაგობდნენ სპორტული ჟურნალისტები, მაგრამ ამან ფეხბურთელებს დიდი დახმარება ვერ გაუწია. 56-ე წუთზე გავუშვით ერთადერთი გოლი და დავრჩით საგზურის გარეშე. მატჩამდე რამდენიმე დღით ადრე გავრცელდა ინფორმაცია, რომ ხვიჩა კვარაცხელია და ლევან შენგელია კოვიდ 19-ის დადასტურების გამო ვერ ითამაშებდნენ... მაშინ ხვიჩა პირველად დააკლდა გუნდს უმნიშვნელოვანეს მატჩში...
საქართველოს ნაკრები იმარჯვებს და მიდის ევრო 2020-ზე, თუ არ წააგებინეს...გუშინ, 19 ნოემბერს, საქართველოს ნაკრები ესპანეთს ვალიადოლიდში ესტუმრა. მატჩს ჩვენთვის არანაირი სატურნირო დატვირთვა არ ჰქონია, რომც მოგვეგო, მაინც ბოლოსწინა, მე-4 ადგილს დავჯერდებოდით. ამ დროს ძირითად შემადგენლობაში ვხედავთ გიორგი ჩაკვეტაძესა და ხვიჩა კვარაცხელიას, შემტევებს, რომლებიც ქართული ფეხბურთის მანათობელ ვარსკვლავებად მოგვევლინენ. კი, ყველას გვიხარია მათი თამაშის ხილვა, მაგრამ აქ ერთი დიდი "მაგრამაა" - ორივე ფეხბურთელს მატჩის წინ ჰქონდა საშიშროება, გამოეტოვებინა ერთა ლიგის ნახევარფინალური შეხვედრა და გამოიცანით, რა მოხდა? ხვიჩა კვარაცხელია იღებს 75-ე წუთზე გაფრთხილებას და უკვე მეორედ ქართული ფეხბურთის ისტორიაში, უმნიშვენლოვანეს შეხვედრას აკლდება. ფეხბურთი ემოციური და კონტაქტური სპორტია, განსაკუთრებით, ხვიჩასნაირი სტილის მოთამაშე ფეხბურთელებისთვის, რომლებსაც ბურთის მიღებასთან ერთად რამდენიმე დამცველი ეთამაშება, ამის გამო კი ხშირად ეუხეშებიან და ფეხშიც ხვდებათ, კარგავენ კონტროლს და მსაჯთან ჩხუბობენ. ერთ-ერთი ასეთი შემთხვევის გამო გუშინ "კვარამ" ზედიზედ მესამე ყვითელი ბარათი მიიღო და ერთა ლიგის ნახევარფინალს გამოტოვებს.
კარგი, ფეხბურთელმა თავად არ იცოდა, ფედერაცია? რატომ არ ჰქონდათ ინფორმაცია, რომ ქართული ფეხბურთის ორი გამორჩეული შემტევი ასეთ ზღვარზე თამაშობდა? კარგი, ვთქვათ და მაინც ათამაშეს, ვინ იფიქრებდა, თუ მსაჯთან კამათის გამო მიიღებდა იმ დასანან გაფრთხილებას, რომელიც ქართული ფეხბურთის ისტორიაში მორიგ უმნიშვნელოვანეს მატჩს გამოატოვებინებდა? უნდა ეფიქრათ!
"ფეისბუქგვერდ" 90წუთი/90Min-მა ზუსტად აღნიშნა:
"რაიმე პრობლემაზე რომ იწერება, მაშინ ხომ დროული კომუნიკაცაა ჟურნალისტებთან, რომ წაიშალოს ან შეიცვალოს მასალა?
სიგიჟეა.
- კითხვა: მთელი ფედერაცია, სრული შემადგენლობით რომ დადის გასვლით მატჩებზე, მთელი ფედერაცია რომ ესპანეთშია, რისთვის იყო, რატომ იყო, რა გაკეთდა, თუ არ გაფუჭდა?
- პასუხი: ეს არის უპასუხისმგებლობის უმაღლესი დონე, როცა იმის იქით არაფერია და როცა უპასუხისმგებლო ხარ, კეთილი უნდა ინებო და შენი სამსახური დატოვო".
"რაიმე პრობლემაზე რომ იწერება, მაშინ ხომ დროული კომუნიკაცაა ჟურნალისტებთან, რომ წაიშალოს ან შეიცვალოს მასალა?
სიგიჟეა.
- კითხვა: მთელი ფედერაცია, სრული შემადგენლობით რომ დადის გასვლით მატჩებზე, მთელი ფედერაცია რომ ესპანეთშია, რისთვის იყო, რატომ იყო, რა გაკეთდა, თუ არ გაფუჭდა?
- პასუხი: ეს არის უპასუხისმგებლობის უმაღლესი დონე, როცა იმის იქით არაფერია და როცა უპასუხისმგებლო ხარ, კეთილი უნდა ინებო და შენი სამსახური დატოვო".
დანარჩენი თქვენთვის მოგვინდია, 2023 წლის "ოქროს ბურთის" მეჩვიდმეტეადგილოსანი რანგით მეორე მნიშვნელოვან (ერთა ლიგის პოტენციურ ფინალსაც ვთვლი) შეხვედრას არაფრისმომცემ მატჩში მსაჯთან წაკამათების გამო ტოვებს...
. . . . . . . .
ავტორი: გიორგი ღვინიაშვილი
კვარაცხელია ევროპის ჩემპიონატის პლეი-ოფს გამოტოვებს - შიში და ორაზროვნება...
დარწმუნებული ვარ, კვარას რომ ეს საფრთხე სცოდნოდა,იმ ყვითელ ბარათს არ მიიღებდა.
მწვრთნელი არ ჰყავს.
ევროპის ჩემპიონატზე რა გვინდა ამ გუნდით?
პ.ს. ალბათ კვარამ არ იცოდა რომ ფტთხილად იქნებოდა, მაგრამ ვინმეს ხომ უნდა სცოდნოდა, ხიზანიშვილი მანდ რას აკეთებეს?!
დარწმუნებული ვარ ერთ თამაშში ორგზის ავტოგოლას - რომელსაც მსოფლიო ისტორიაში პრეცენდენტი არ აქვს, ნამდვილად არ გაახარებდა საქართველოს ნაკრების წარმატება, რადგან თავად როცა იყო ნაკრებში, კარგად გვახსოვს რისი თავიც ქონდა.
ხვიჩას თამაშებს მოსკოვის ლოკოლოტივიდან ვუყურებ და რუბინის და ბათუმის დინამოს თამაში არ გამომიტოვებია, ნაკრებზე და ნაპოლიზე არ ვლაპარაკობ, ჩემი უსაყვარლესი ფეხურთელია. ყოველთვის გასაგები იყო ჩემთვის მისი ფორმის დაკარგვა (ტრავმების მერე ხდებოდა ეს) და მოუთმენლად ველოდებოდი ფორმის დაბრუნებას, გადაღლის გამო ახალგაზრდულ ნაკრებში რომ არ ითამაშა, ისიც გასაგებია ჩემთვის, მაგრამ ბოლო თამაშებში ნაპოლიში და ნაკრებშიც ხვიჩამ დაიწყო მოწინააღმდეგე ფეხბურთელებთან და მსაჯებთან კინკლაობა და მეტიც - თანაგუნდელების გადაწყვეტილებებზეც დაუფარავად გამოხატავს უკმაყოფილებას.
გასაგებია - ოსიმენის არყოფნაში ნაპოლის ლიდერობას ცდილობს მოედანზე (შეიძლება მწვრთნელმა დაავალა), ქვეყნის ნაკრებში ულაპარაკო ლიდერია, თუმცა აშკარად არ უხდება ხვიჩას ასეთი დაძაბვა და აგრესია.
ალბათ ფედერაციაში ევალება ვიღაცას ბარათებით დისკვალიფიკაციის პრევენცია, მთავარი მწვრთნელიც უნადა აქცევდეს ამას ყურადღებას, მაგრამ ფეხბურთელმაც უნდა იცოდეს ბარათების რაოდენობა და ისეთი უაზრო გაფრთხილებით, რაც ხვიჩამ ვალიადოლიდში მიიღო, ნაკრები არ უნდა დაეღალატებინა.
იმედი მაქვს, საკმაოდ სერიოზულ ლუქსემბურგს გავივლით და ფინალში ექნება ხვიჩას ნაკრების და ქვეყნის წინაშე შეცდომის გამოსწორების შესაძლებლობა.