იტალიის სუპერთასის ფინალში "ნაპოლი", რომელიც მე-60 წუთზე ჯოვანი სიმეონეს გაძევების გამო რიცხობრივ უმცირესობაში დარჩა, "ინტერთან" 0:1 დამარცხდა. ამ შეხვედრაში ნეაპოლურ გუნდში ხვიჩა კვარაცხელიამ 70-ე წუთამდე ითამაშა. ნამატჩევს ჩატარებულ პრესკონფერენციაზე გუნდის მწვრთნელი ვალტერ მაცარი არ მივიდა, კომენტარი კი კლუბის პრეზიდენტმა აურელიო დე ლაურენტისმა გააკეთა.
"სატრანსფერო ფანჯარაში დიდი ცვლილებები მიმდინარეობს, ჩვენ უკვე სამი ფეხბურთელი დავიმატეთ, კიდევ ორთან კონტრაქტის გაფორმებაზე მიმდინარეობს მუშაობა. წავაგეთ, მაგრამ დავინახე, რომ გუნდი პროგრესირებს. მიუხედავად იმისა, რომ კაცნაკლული დავრჩით, მეტოქეს სერიოზული წინააღმდეგობა გავუწიეთ.
ამ სეზონში მსაჯების სუსტი მხარეები ცხადია.
საუდის არაბეთმა ფეხბურთის სიყვარულით და მასპინძლობით სასიამოვნოდ გამაკვირვა, თუმცა ყველაფერი უხეირო მსაჯობამ წაახდინა. ისე, ამ სუპერთასს დიდი მნიშვნელობა არ აქვს", - ციტირებს დე ლაურენტისს Mediaset-ი.
როგორ შეაფასეს კვარაცხელიას თამაში "ინტერთან" მატჩში
კვარაცხელია შეცვალეს - კაცნაკლული "ნაპოლი" სუპერთასის ფინალში "ინტერთან" დამარცხდა [VIDEO]
!["პარმას" გაძევებული მეკარე, ლუკაკუს დებიუტი და გოლი და "ნაპოლის" შემოტრიალებული მატჩი [VIDEO]](/pictures/image7/717b7a1cfecfcea4df5c07af9a6f0ce4.jpg "\"პარმას\" გაძევებული მეკარე, ლუკაკუს დებიუტი და გოლი და \"ნაპოლის\" შემოტრიალებული მატჩი [VIDEO]")
