Sky-ის სატრანსფერო ექსპერტმა ფრანჩესკო მოდუნომ Sky Sport-ის ეთერში განაცხადა, რომ "პარი სენ ჟერმენს" გადაწყვეტილი აქვს, რადაც უნდა დაუჯდეს, "ნაპოლის" ვარსკვლავების - ხვიჩა კვარაცხელიას და ვიქტორ ოსიმენის ხელში ჩაგდება და კონკრეტულ წინადადებასაც ამზადებს.
მოდუნოს მტკიცებით, პარიზული კლუბი, ოსიმენის თანხმობის შემთხვევაში, მას 130 მილიონად გამოისყიდის (ნიგერიელის გადაბირებას აგრეთვე "ჩელსი" ცდილობს), ხოლო კვარაცხელიაში "ნაპოლის" პრეზიდენტს, აურელიო დე ლაურენტისს, 100 მილიონამდე შესთავაზებს და ეს იმაზე 20 მილიონით მეტია, რასაც ადრე სთავაზობდა.
"ვნახოთ, რამდენად რეალურია ამ ორი ტრანსფერის ერთდროულად განხორციელება და რას იტყვის დე ლაურენტისი,
რომელსაც მხოლოდ ვიქტორის გასხვისება და ხვიჩას დატოვება სურს, თუმცა ადრე მან თქვა, რომ გუნდში ხელშეუხებელი არავინაა", - დასძინა მოდუნომ.
![alt](/pictures/image50/3dfb57b19bdffb578e6a622be3345518.jpg "SKY: პსჟ-ის კონკრეტიკა - 200+ მილიონი "კვარასა" და ოსიმენში")
სერია A-ში მაისში საუკეთესოდ კვარაცხელიას გოლი დაასახელეს [VIDEO]
