The Sports Daily წერს, რომ "ლიონი" გუნდის ფორვარდის, ალექსანდრ ლაკაზეტის შემცვლელს ეძებს, რომელიც ამ ზაფხულს საუდის არაბეთს მიაშურებს. "ოლიმპიკს" ორი ვარიანტი აქვს და ორივე საფრანგეთიდან. ჩვენთვის სასიამოვნო ისაა, რომ ერთ-ერთი გიორგი მიქაუტაძეა, რომლის "მეციც" უმაღლესი დივიზიონიდან გავარდა, ქართველმა კი ლიგა 1-ის გასულ სეზონში 13 გოლი გაიტანა.
ჩვენებური კარიერას სწორედ "ლიონში" იწყებდა და შესაძლოა, ის მალე მშობლიურ გუნდს დაუბრუნდეს კიდეც. თანაც, 23 წლის ფეხბურთელმა დაადასტურა, რომ მომავალ წელს კვლავ საფრანგეთში იბურთავებს.
"ოლიმპიკის" მეორე არჩევანი ასევე 23 წლის "ტულუზას" ნიდერლანდელი თავდამსხმელი ტაის
საგულისხმოა ის ფაქტიც, რომ დალინგას დამატებას ამა წლის იანვარში პრემიერლიგის ბინადარი "ბრენტფორდი" ცდილობდა და 18 მილიონი ევროს გადახდაზეც იყო ყაბულს, თუმცა "ტულუზას" 20 მილიონის მიღება სურს. ინფორმაციისთვის, დაახლოებით ამ ფასში შეელევა "მეციც" მიქაუტაძეს და როგორი არჩევანი ექნება საბოლოოდ "ლიონს", ძალიან საინტერესოა.
![მიქაუტაძე შეცვლაზე შევიდა - "ლიონმა" სტუმრად "ლილთან" ქულა გადაარჩინა [VIDEO]](/pictures/image7/d85286a98a6feceb65d3a010ff2581c0.jpg "მიქაუტაძე შეცვლაზე შევიდა - \"ლიონმა\" სტუმრად \"ლილთან\" ქულა გადაარჩინა [VIDEO]")
![მიქაუტაძემ ნავსი გატეხა. ქართველმა დუბლი შეასრულა - "ლიონი" "ოსერთან" ფრეს დასჯერდა [VIDEO]](/pictures/image7/ece1104dc4fc2b0d4f6e81aab5e8be14.jpg "მიქაუტაძემ ნავსი გატეხა. ქართველმა დუბლი შეასრულა - \"ლიონი\" \"ოსერთან\" ფრეს დასჯერდა [VIDEO]")
