"ფანებს ბოდიშს ვუხდი, ეს პრობლემები ადვილად ვერ მოგვარდება, რაც შეეხება "კვარას"..."- რა თქვა კონტემ "ვერონასთან" მარცხის შემდეგ?

პრობლემები რომ ბევრი იყო კლუბში და თანაც სერიოზული, ამიტომაც გადაგიხადეს სეზონში 8 მილიონი ანტონიო, რაც სერია ა-ს მასშტაბით მწვრთნელთაგან არცერთს აქვს, მათ შორის სიმონე ინძაგისაც, რომელმაც ინტერი გააჩემპიონა და რომლის გასამჯელო 5.5 მილიონია სეზონში.

პრობლემა სწორედ ისაა, რომ თანხმდები პირობებს, იბარებ გამოფიტულ გუნდს, რომლის გაძლიერებას სპინაცოლას და მაძოკის ხარჯზე აპირებ, ამ დროს ცენტრალური ფორვარდი არ გყავს, ვერ უზრუნველყოფ იმას, რომ გუნდის ლიდერი, რომელმაც შარშან მთელი სეზონი ის ათრია, პირობები დაუკმაყოფილდეს, ვერ აწარმოებ სათანადო სელექციას, დაცვის ხაზში რაჰმანის, ჟეზუსის და კარში მერეტის იმედად ხარ. მსგავსად და კიდევ უკეთესად გუნდს კალცონა და გარსიაც ათამაშებდნენ და მაშინ რატომ გადაგიხდის დე ლაურენტისი 6 მილიონით მეტს?

კატასტროფა იყო გუშინ ნაპოლის თამაში ყველა თვალსაზრისით. კვარა სანამ იყო მოედანზე ასე თუ ისე კიდევ რაღაც იქმნებოდა, მეორე ტაიმში კი დარჩა ჩვეულებრივი სოფლის გუნდი, რომელსაც სისწრაფეებში , კრეატიულობასა და საშემსრულებლო ოსატტობაში უამრავი ხარვეზი გამოეკვეთა, ლოგიკური შედეგიც დადგა და ვერონას ყაიდის გუნდთან 3:0 დამარცხდა.

ძალზედ სწრაფად თუ არ გამოიტანა შესაბამისი დასკვნები და რაც მთავარია სხარტად თუ არ იმოქმება კლუბის მენეჯმენტმა, შარშანდელი შედეგიც კი საოცნებო გაუხდება ნაპოლის, ყველაზე საწყენი კი ისაა, რომ ამ ჭაობში ჩარჩა კვარაცხელიაც.

პ.ს ტრადიციას არ დავარღვევ - მოკითხვა ჯუღელს!

დამარცხება ერთია და გოლს რომ ვერ გაიტან მეორე