"სენტ-ეტიენის" ნახევარმცველი ზურიკო დავითაშვილი 7 ქულით "ეკიპმა" ლიგა 1-ის მეოთხე ტურის სიმბოლურ ნაკრებში შეიყვანა.
"სენტ-ეტიენმა" გასულ ტურში საკუთარ მოედანზე "ლილი" 1:0 დაამარცხა, დავითაშვილმა კი საგოლე გადაცემა გააკეთა. "მატჩის საუკეთესო ფეხბურთელი ზურიკო დავითაშვილია. ბრავო, ზუკა!" - წერს კლუბის საიტი.
peuple-vert-ი აღნიშნავს, რომ სამი წარუმატებელი შეხვედრის შემდეგ ქართველი მარჯვენა ფლანგზე გაცილებით ეფექტურად თამაშობდა, გადამწყვეტი იყო, მატიე კაფაროს შესანიშნავი საგოლე პასი გაუკეთა, მთელი 90 წუთის მანძილზე საინტერესოდ მოქმედებდა: დრიბლინგებს ახორციელებდა, თამაშს ამწვავებდა, კარში ურტყამდა, მეტოქის დაცვას თავგზა აუბნია და მისი სტატისტიკაც ძალიან საინტერესოა.
"სენტ-ეტიენი" 20 სექტემბერს სტუმრად "ნიცას" დაუპირისპირდება.
დავითაშვილის ეფექტური საგოლე პასი - "სენტ-ეტიენმა" გაიმარჯვა [VIDEO]
![დავითაშვილის ეფექტური საგოლე პასი - "სენტ-ეტიენმა" გაიმარჯვა [VIDEO]](/pictures/image7/6162027a9e905fde30bb2fd2ed11b76e.jpg "დავითაშვილის ეფექტური საგოლე პასი - \"სენტ-ეტიენმა\" გაიმარჯვა [VIDEO]")
![დავითაშვილის ლამაზი ფინტი და საგოლე პასი [VIDEO]](/pictures/image7/38fce34486500e65473eac049c29d097.jpg "დავითაშვილის ლამაზი ფინტი და საგოლე პასი [VIDEO]")
