Relevo-ს ცნობით, "ლივერპულმა" ლა ლიგის მე-7 ტურის თამაშზე, სადაც "ვალენსია" "ოსასუნას" საკუთარ მოედანზე დაუპირისპირდა და ნულოვანი ფრე ითამაშა, თავისი წარმომადგენლები მიაგზავნა. მიზანი უკვე მათ კიპერზე, გიორგი მამარდაშვილზე დაკვირვება იყო, რომელიც "ღამურების" რიგებში ამ სეზონში იჯარით ითამაშებს.
წყარო წერს, რომ ეს სეზონი ჩვენებურისთვის ერთგვარი ტესტი იქნება და მასზე მუდმივი დაკვირვება გაგრძელდება. "მერსისაიდელთა" ამჟამინდელი მეკარე ალისონი ბრწყინვალედ გამოიყურება, მომავალი წლის ზაფხულში მისი გაშვება იოლი საქმე არ იქნება, თუმცა გიორგის სანაცვლოდ გადახდილი თანხა იმის ნიშნებს იძლევა, რომ "ენფილდზე" ქართველზე დიდ ფსონს ჩამოდიან.
Relevo-სვე
შეგახსენებთ, რომ მამარდაშვილის სანაცვლოდ "მერსისაიდელებმა" 25,1 მილიონი ფუნტი გადაიხადეს და კონტრაქტი 2030 წლამდე გაუფორმეს.
