ნეაპოლური მედია ხვიჩა კვარაცხელიას კონტრაქტის გაგრძელების საკითხს ისევ ფართოდ განიხილავს. Areanapoli-ს მტკიცებით, ფეხბურთელის აგენტი მამუკა ჯუღელი თავისი კლიენტისთვის შეთავაზებული წლიური გასამრჯელოს, 5-6 მილიონზე გაცილებით მეტს, დაახლოებით 8 მილიონს მოითხოვს, მოლაპარაკებები განახლების მოლოდინში შეჩერებულია და მხარეები შეთანხმებასთან შორს არიან. აღნიშნულია, რომ „ნაპოლი“ თანახმაა ხელშეკრულებაში ოსიმენის მსგავსად 120-მილიონიანი გამოსყიდვის პუნქტი შეიტანოს, აგენტი კი, როგორც ჩანს, თანხის 80 მილიონამდე შემცირების სურვილს გამოთქვამს, რათა პოტენციური მყიდველები არ დააფრთხონ და მომავალში ტრანსფერის გაჩარხვა გახდეს შესაძლებელი. რადიო Kiss Kiss-ის დირექტორმა ვალტერ დე მაჯომ განაცხადა, რომ კლუბმა
ამ საკითხზე Sportitalia-ს საიტზე წერილი სატრანსფერო ექსპერტმა ალფრედო პედულამ გამოაქვეყნა: „ხვიჩას პრობლემა უეცრად როდი წარმოიშვა, ეს ისტორია უკვე რამდენიმე თვეა გრძელდება. მას კონტრაქტი 2027 წლის 30 ივნისს ეწურება, რაც ყველამ იცის. საჩემპიონო სეზონში „კვარა“ მთავარი გმირი იყო, ერთადერთი არა - სამ მთავარ გმირს შორის. ქართველისთვის ანაზღაურების დამსახურებულად და კანონიერად გაზრდის მოლოდინში აგენტი რამდენიმე თვე ქალაქში იმყოფებოდა. ამან შედეგი ვერ გამოიღო და კვარაცხელიას 1.5-მილიონიანი გასამრჯელო დაუტოვეს, რაც ბევრად ნაკლებია იმასთან შედარებით, რამდენიც ეკუთვნის.
ახლა შეიძლება ნებისმიერი არჩევანი გააკეთოს და ამას პატივისცემით უნდა მოვეკიდოთ. კლუბმა ჩინებული პირობების შექმნით ფოკუსირება ოსიმენზე არჩია, ხოლო ფენომენალური ქართველი უყურადღებოდ დატოვა და როგორც უკვე ადრე გითხარით, მოთხოვნა მინიმუმ 8 მილიონს შეადგენს. ეს წყენა ან ხელების გადაგრეხვა არაა. ეს არის ლოგიკური, მკაფიო და თანმიმდევრული ხაზი, ვინც თვლის, რომ ის უგულებელყოფილი იყო, როდესაც ამის დრო იყო. შეუძლია თუ არა ფეხბურთელს კომპრომისზე წასვლა? არ ვიცი, ეს, რა თქმა უნდა, პრინციპის საკითხია.
დე ლაურენტისი ამბობს, რომ თუ ხვიჩა წავა, მის გარეშეც გავლენ ფონს. ცხადია, ორმხრივ თამაშთან გვაქვს საქმე. აქ ლოგიურია მსჯელობა: როდესაც სეზონში 1.5 მილიონს გამოიმუშავებთ, ხელფასს არ გიმატებენ და ვიღაცა ხუთჯერ ან ექვსჯერ მეტს გთავაზობს, ლოდინის რეჯიმში ყოფნა ნორმალურია. შეიძლება ბანალურია, მაგრამ ჩემი აზრით, რაც არ უნდა მოხდეს, სასიცოცხლოდ მნიშვნელოვანია, დაპირისპირება არ გაღრმავდეს“.
![alt](/pictures/image50/4cb7e09109f7eff66950a5d28bd67099.jpg ""ჯუღელის მოთხოვნა გამოსასყიდ თანხაზე - წავა თუ არა უგულებელყოფილი ქართველი ფენომენი კომპრომისზე?" - იტალიური მედია")
ხვიჩამ თანაგუნდელს ძვირფასი საჩუქარი გაუკეთა და ძალიან გაახარა [PHOTO] 
