UA-Футбол-ის ცნობით, "ვიტ ჯორჯიას" 19 წლის ნახევარმცველი გიორგი რობაქიძე სინჯებზე ოდესის "ჩერნომორეცში" იმყოფება.
რობაქიძის შესახებ გადაწყვეტილებას გუნდის მწვრთნელი ალექსანდრე ბაბიჩი მიიღებს. "ჩერნომორეცი" 17 ტურის შემდეგ 12 ქულით უკრაინის პრემიერლიგაში ბოლოსწინა, მეთხუთმეტე ადგილზეა.
რობაქიძემ ეროვნული ლიგა 2-ის 40 მატჩში 2 გოლი გაიტანა, ადრე კი ფოთის "კოლხეთში" თამაშობდა. მას საქართველოს 17-წლამდელთა ნაკრებში 11 შეხვედრაში აქვს მონაწილეობა მიღებული.
