ლევან კობიაშვილი: ფეხბურთის ფედერაციაში ხელფასს არ ვიღებ!

AutoSharing Option
ლევან კობიაშვილის თქმით, ფეხბურთის ფედერაციაში ხელფასს აღარ იღებს. სფფ-ის პრეზიდენტმა ეს განმარტება "ლეიბორისტული პარტიის" ლიდერის, შალვა ნათელაშვილის განცხადების კვალდაკვალ გააკეთა, თითქოსდა, კობიაშვილი მხოლოდ ფეხბურთის ფედერაციიდან, ხელფასის სახით, წელიწადში 120 ათას ლარს იღებს.

"მსურს, გამოვეხმაურო შალვა ნათელაშვილის აბსურდულ განცხადებას და განვუმარტო საზოგადოებას, რომ მას შემდეგ, რაც გლდანის 21-ე ოლქის მაჟორიტარ დეპუტატად ამირჩიეს და საქართველოს უმაღლესი საკანონმდებლო ორგანოს წევრი ვარ, კანონის შესაბამისად, ფეხბურთის ფედერაციის პრეზიდენტისთვის განსაზღვრულ თანამდებობრივ სარგოს არ ვიღებ.

შესაბამისად, ჩემი, როგორც ფეხბურთის ფედერაციის პრეზიდენტის ხელფასი შეადგენს 0 ლარს.

რაც შეეხება არჩევნებამდე
მიღებულ ხელფასს, მსურს, გითხრათ თქვენ და, ამავდროულად, გული დავწყვიტო ბატონ შალვას, რომ ინფორმაცია, რომელსაც ის ავრცელებს და იყენებს თავისი საარჩევნო მიზნებისთვის, არის აბსოლუტური სიცრუე. თანხა, რომელსაც ის ასახელებს, არის აბსურდული და რადიკალურად განსხვავებული - ფეხბურთის ფედერაციის პრეზიდენტისთვის განსაზღვრული თანამდებობრივი სარგოსგან.

მიუხედავად იმისა, რომ ბატონი შალვას რიტორიკა სიახლეს არ წარმოადგენს და მას ამ მიმართულებით მრავალწლიანი გამოცდილება აქვს, მოვუწოდებ, თავი შეიკავოს ტყუილებისგან და ამ ტყუილების საკუთარი მიზნებისთვის გამოყენებისგან", - წერია კობიაშვილის განცხადებაში.

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 11 /
არ ჯობია ვინმე ისეთი მოვიდეს პრეზიდენტად ვინც ხელფასსაც აიღებს და საქმესაც გააკეთებს??? არ გვეშველება არაფერი უნდა შეწყდეს ამ არაფრის მაქნისების დაფინანსება ბიუჯეტიდან ხალხის ფულის ჭამის მეტს არაფერ აკეთებენ ფეხბურთელები.
chaobi
22:01 04-09-2017
2
ბატონ ლევანს დიდ პატივს ვცემ მაგრა მიყვარდა ფეხბურთელობის დროს, მაგრამ რა მაინტერესებს იცით ერთხელ პარლამენტარების კომენტარი წავიკითხე კანონებზე და რაღაცაებზე ბევრი საქმე გვაქვსო და დრო არა გვრჩება არაფრისო და თქვენ როგორ ასწრებთ პარლამენტარობას და ფეხბურთის ფედერაციის პრეზიდენტათ ყოფნას ერთნაირათ წარმატებულათ აკეთებთ დავიჯერო ან რომელიმეს თუ ვერ აკეთებთ რა გინდათ იქ
გია
22:22 04-09-2017
1
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

ასევე დაგაინტერესებთ
სიახლეები პოპულარული