არგენტინელი ერნან კრესპო, რომელიც "დინამო არენაზე" დღეს დაგეგმილ საქველმოქმედო მატჩში მიიღებს მონაწილეობას, უკვე თბილისშია. 42 წლის ფეხბურთელი საქართველოს დედაქალაქში რამდენიმე საათის წინ ჩამოვიდა. - "მსოფლიოს ვარსკვლავები საქართველოსთვის" - გუნდების შემადგენლობა
თბილისში იმყოფება აგრეთვე 2004 წლის ევროპის ჩემპიონი მწვრთნელი ოტო რეჰაგელი, რომელიც დღევანდელ შეხვედრაში მონაწილე გუნდს უხელმძღვანელებს.
სტუმრებს თბილისის საერთაშორისო აეროპორტში ფეხბურთის ფედერაციის გენერალური მდივანი დავით მუჯირი და ვიცე-პრეზიდენტი ალექსანდრე იაშვილი დახვდნენ.
საქველმოქმედო შეხვედრაში მონაწილე სხვა ფეხბურთელებს თბილისში რამდენიმე საათში ელოდებიან.
მატჩიდან შემოსული თანხა ბორჯომის ტყის აღდგენას მოხმარდება. თამაში "დინამო არენაზე"
"ინტერპრესნიუსი"
