ევროპა ლიგის მესამე საკვალიფიკაციო ეტაპის განმეორებით მატჩში "ტორპედო" სტუმრად "კუკეშთან" 0:2 დამარცხდა, მაგრამ რადგან პირველი შეხვედრა 5:2 ჰქონდა მოგებული, პირველად გავიდა ამ ტურნირის პლეი-ოფში.თბილისში პირველ მატჩში წაგების შემდეგ ალბანეთში საპასუხო შეხვედრას დიდი ინტერესი არ გამოუწვევია, ელბასანის 12 342-იანი სტადიონი თითქმის ცარიელი იყო.
"ტორპედოს" მწვრთნელმა კახა ჩხეტიანმა პირველ მატჩთან განსხვავებით სასტარტო შემადგენლობაში გეგეჭკორის ნაცვლად ხურცილავა დააყენა და ზედმეტად შედეგზე გათვლილი დაცვითი სტრატეგია აირჩია, რამაც კინაღამ კატასტროფული შედეგი გამოიღო.
მასპინძლებმა თავიდანვე შეუტიეს, მაგრამ სტუმრები თავს ორგანიზებულად იცავდნენ. პირველი მომენტი ქუთაისელთა კართან
შემდეგ კი რეჯინალდო ხურცილავას გაექცა, ამ უკანასკნელმა საჯარიმოში წააქცია და პენალტი თავად დაზარალებულმა გამოიყენა.
38-ე წუთზე ჰლინკამ თავურით გოლი კი გაიტანა, მაგრამ მსაჯმა თამაშგარე დააფიქსირა, თუმცა იმ მომენტში ოფსაიდში ის კი არა მისი თანაგუნდელი აზაცკი იმყოფებოდა.
შესვენების შემდეგ "ტორპედომ" უფრო წინ აიწია, პირველი ტაიმისგან განსხვავებული თამაში წავიდა და ლანჩიმ თავურით ოდნავ ააცილა ბურთი კარს. მერე ისევ რეჯინალდო დატოვეს მცველებმა უმეთვალყურეოდ, მაგრამ საბედნიეროდ მან ვერ ივარგა და ბურთს კვასხვაძე დაეუფლა. 66-ე წუთზე ძარიასაც შეეძლო გოლის გატანა, თუმცა ცინცაძემ შეუშალა ხელი და ახლო მანძილიდან არაზუსტად დაარტყა ბურთი, ტრავმაც მიიღო და შეცვალეს.
აქედან მოყოლებული "ტორპედომ" ისევ უკან დაიხია, "კუკეში" კი ნელ ტემპში უტევდა. უტევდა და კიდევ ერთხელ იხეირა - რეჯინალდო შცვლაზე შესულ გიგაურთან ბურთზე თამაშისას წაიქცა, არბიტრმა კვლავ თერტმეტმეტრიანი დანიშნა და რეჯინალდომ ანგარიში 2:0 გახადა. შემდეგ მუსოლის ყუმბარისებრი დარტყმული ბურთი კვახსვაძე მოიგერია. მერე როინმა კიდევ ორჯერ გადაარჩინა თავისი გუნდი და თამაშიც დასრულდა.
აუცილებლად უნდა აღინიშნოს მიკერძოებული თუ არაობიექტური მსაჯობა, "ტორპედოს" კარში დანიშნული ორი პენალტი, რომელთაგან მეორე ძალიან საეჭვო იყო და მასპინძელთა კარში ორი გოლის (ჰლინკას და აზაცკის) არჩათვლა.
![alt](/pictures/image50/37c1d83b3a78bef537f578510b5aa50e.jpg ""ტორპედო" ევროპა ლიგის პლეი-ოფში გავიდა, მაგრამ ვაი ასეთ გასვლას!")
"ტორპედო" "კუკეშთან" მატჩის მსაჯობას უეფაში გაასაჩივრებს [VIDEO]
![alt](/pictures/image50/735e07c008d376a0c46a7aac6ad3da47.jpg ""ტორპედო" ევროპა ლიგის პლეი-ოფში გავიდა, მაგრამ ვაი ასეთ გასვლას!")
როინ კვასხვაძის "სეივები" "კუკეშთან" საპასუხო მატჩში [VIDEO]
ელბასანი. "ელბასან არენა".
კუკეში - ტორპედო 2:0
გოლები: 1:0 რეჯინალდო (29, პენ), 2:0 რეჯინალდო (75, პენ)
კუკეში: მალოკუ, შამეტი, კორდეირო, რუმბულაკუ, მალიკი, ალა, ძარია (შკოდრა 68), მუსოლი (პლაკუ 83), ეტემი (გირბია 52), ჰარბა, რეჯინალდო
ტორპედო: კვასხვაძე, ხურცილავა, კობახიძე, ქიმაძე (გეგეჭკორი 82), აზაცკი, მარინი, დოლიძე (კუტალია 62), კუხიანიძე, ჰლინკა (გიგაური 69), ცინცაძე, ლაჩნი
![alt](/pictures/image50/a57010bd88ffd8d7e152bff8ec94c901.jpg ""ტორპედო" ევროპა ლიგის პლეი-ოფში გავიდა, მაგრამ ვაი ასეთ გასვლას!")
არმანდო ცუნგუ: ამჯერადაც არ გაგვიმართლა![alt](/pictures/image50/b41b88760096f7bb3b936962f5861bb1.jpg ""ტორპედო" ევროპა ლიგის პლეი-ოფში გავიდა, მაგრამ ვაი ასეთ გასვლას!")
კახა ჩხეტიანი: უნდა ვაღიარო, ცუდად ვითამაშეთ, სტრესით
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
სტატიის სათაური დამწერის ღვარძლიან ხასიათს ასახავს
რას ნიშნავს სტუმართა კარში ორო გოლის არჩათვლა?
ეს იყო გუშინდელი თამაში.
და ამ სტატიის სათაურს რაც შეეხება, ამ საიტზე ტორპედოს მიმართ ბოღმა სათაური უკვე მეორედ შევნიშნე ამ ბოლო პერიოდში და იქნებ დაიოკოთ პირადი გრძნობები პატარა ადამიანებმა :)
წინ, უმძიმესი ორი მატჩი გველოდება ლუდოგორეცთან, ნებისმიერი ქართული კლუბის გულშემატკივარი, ვალდებული ვართ გვერდით დავუდგეთ ქუთაისის ტორპედოს და გავასოთ ლოკომოტივის სტადიონი, ვუგულშემატკივროთ და მხარი დავუჭიროთ ტორპედოს.
თქვენ კი, ქუთაისის ტორპედოს ფეღბურთელებო....წინ!!! უეფას ჯგუფისთვის!!!
წინ!!! საქართველოსთვის!!!!
ვულოცავ ქუთაისის ტორპედოს მოგებას,ქუთაისლებს და მთელ საქართველოს .
მე არ ვარ ფეხბურთის სპეციალისტი,მაგრამ მოვუწოდებ როგორც გულშემატკივარი ფეხბურთის ფედერაციას და პირადად კობიაშვილს გააპროტესტოს მსაჯების შეცდომები და მიაღებიონ სანქციები მათ წინააღმდეგ.არის ნიშნები რომ მსაჯები მესამე ქვეყნის მიერ იყვნენ მოქრთამული,ამას ისინი არ ერიდებიან მითუმეტეს სპორტში და თანაც Fეხბურთში.