16 აპრილს თბილისის "დინამოს" აკადემიაში სტარტი აიღო ვიტალი დარასელიას სახელობის მეოთხე საერთაშორისო ტურნირმა, სადაც მონაწილეობას 15-წლამდელთა 2 ქართული და 6 ევროპული გუნდი იღებს.
პირველი შეხვედრა B ჯგუფში ჰოლანდიურ "ფეიენოორდსა" და კიევის "დინამოს" შორის გაიმართა, რომელიც უკრაინელთა გამარჯვებით, ანგარიშით 1:0 დასრულდა.
მატჩის ერთადერთი გოლი გორბაჩმა 29-ე წუთზე გაიტანა.
მატჩის ერთადერთი გოლი გორბაჩმა 29-ე წუთზე გაიტანა.
U15. ფეიენოორდი - დინამო კიევი 0:1
A ჯგუფში იტალიურმა "ემპოლიმ" ინგლისურ "ვულვერჰემპტონს" სძლია მინიმალური სხვაობით (1:0). გოლის ავტორი იგნაჩიტი გახდა. მან "ვულვზის" კარი მატჩის მე-13 წუთზე აიღო.
სფფ-ის აკადემიასა და "ბრაგას" შორის მატჩი უგოლო ფრით დასრულდა.
თბილისის "დინამოსა" და "ციურიხს" შორის მატჩი 20:00 საათზე დაიწყება.
ჯგუფური ეტაპის და ნახევარფინალური მატჩები "დინამოს" აკადემიის სტადიონზე გაიმართება, ფინალი კი 21 აპრილს, ბორის პაიჭაძის სახელობის "დინამო არენაზე" ჩატარდება.
![გოგლიჩიძე დაბრუნდა და ტრავმა მიიღო - "ემპოლიმ" "ლეჩესთან" გამარჯვება ხელიდან გაუშვა [VIDEO]](/pictures/image7/0963638cf025c81125232fc6d614dd1e.jpeg "გოგლიჩიძე დაბრუნდა და ტრავმა მიიღო - \"ემპოლიმ\" \"ლეჩესთან\" გამარჯვება ხელიდან გაუშვა [VIDEO]")
