ფოტო: facebook.com/DINAMOTB/
ორი ესპანური გამოცემა თბილისის "დინამოსა" და "გაბალას" ევროპა ლიგის მეორე საკვალიფიკაციო ეტაპის საპასუხო მატჩის შემდეგ ლევან შენგელიას შესახებ წერს და აცხადებს, რომ ქართველსა და "კადისს" შორის მოლაპარაკებები აქტიურად მიმდინარეობს.
ანდალუსიური გამოცემა eldesmarque.com-ი აქვეყნებს სტატიას სათაურით - "დაელოდეთ შენგელიას".
ტექსტში ნათქვამია, რომ გარიგებამდე რამდენიმე კვირით მოცდა არის საჭირო. ესპანური გამოცემის მიხედვით, მოლაპარაკებები ინტენსიურად მიმდინარეობს, თუმცა კონტრაქტის პირობები ჯერ შეთანხმებული არაა.
სანამ "კადისთან" ხელშეკრულებას გააფორმებს, შენგელიას კონტრაქტი თბილისის "დინამოსთან" 30 აგვისტომდე აქვს და ევროპა ლიგის საკვალიფიკაციო ეტაპის ბოლო შეხვედრაში ორი
გოლიც გაიტანა.
184 სმ სიმაღლის შენგელია სწრაფი ფეხბურთელია და ფიზიკურად საკმაოდ კარგად არის მომზადებული. ის, როგორც წესი, მარჯვენა "ვინგერად" თამაშობს, თუმცა მეორე ფორვარდად და მარცხენა "ვინგერადაც" შეუძლია თამაში.
შენგელიას 30 აგვისტოს უმთავრდება ხელშეკრულება თბილისის "დინამოსთან", ანუ 3 დღით ადრე, სანამ ესპანეთში სატრანსფერო ფანჯარა დაიხურება. შენგელია ის ფეხბურთელია, რომელსაც "კადისის" შეტევას ბევრი რამ შეუძლია შემატოს.
მეორე ადგილობრივი გამოცემა diariodecadiz.es-ი დაახლოებით მსგავსი შინაარსის ტექსტს აქვეყნებს სათაურით - "შენგელიას საკუთარი გუნდისთვის გააქვს, სანამ "კადისი" ელოდება".
გამოცემა წერს, რომ თბილისის "დინამო" შენგელიას არ უშვებს კლუბიდან, რადგან ის გუნდის ლიდერია და "დინამოს" ევროპა ლიგის მესამე ეტაპზე გასვლამ ქართველის ესპანეთში ჩასვლა გადადო. თან, "დინამოს" შემდეგ ეტაპზე "ფეიენოორდთან" ელის შეხვედრა. ამის პარალელურად, "კადისი" მოთმინებით ელოდება, თუ როდის დაუმთავრდება შენგელიას კონტრაქტი თავის ახლანდელ კლუბთან.
"კადისი" ესპანეთის სიძლიერით მეორე დივიზიონში (სეგუნდა) გამოდის, გასულ სეზონში 64 ქულით მეშვიდე ადგილი დაიკავა და ლა ლიგაში გადასასვლელ პლეი-ოფამდე 4 ქულა დააკლდა.
![alt](/pictures/image50/74ba3cc6f07b58c5ff5b8a64d48c4b5e.jpg "ესპანური პრესა: "კადისი" შენგელიას ელოდება")
შენგელიას ორი ულამაზესი ორი გოლი და კარიკარის ყუმბარისებური - "დინამომ" "გაბალა" გაანადგურა [VIDEO]
![ლიდერმა "დილამ" ორკაცნაკლულ თბილისის "დინამოს" მძიმე მატჩში სძლია [VIDEO]](/pictures/image7/924aaff98cdd03bf2c885666084bfff3.jpg "ლიდერმა \"დილამ\" ორკაცნაკლულ თბილისის \"დინამოს\" მძიმე მატჩში სძლია [VIDEO]")
![ეროვნული ლიგა. XV ტური. "დილა" - "დინამო" (თბ) [LIVE]](/pictures/image7/ae99e1fb1ef852fd88b8047baf3f7ef5.png "ეროვნული ლიგა. XV ტური. \"დილა\" - \"დინამო\" (თბ) [LIVE]")
!["დილამ" "იბერია 1999"-ს 4:1 მოუგო და გალიდერდა [VIDEO]](/pictures/image7/b3b121366e4f4386d59971de18c66a9f.jpg "\"დილამ\" \"იბერია 1999\"-ს 4:1 მოუგო და გალიდერდა [VIDEO]")
![ეროვნული ლიგა. XIV ტური. "სამტრედია" - "დინამო" (თბ) [LIVE]](/pictures/image7/4115b59f6c3da45badd269022e9e7e38.png "ეროვნული ლიგა. XIV ტური. \"სამტრედია\" - \"დინამო\" (თბ) [LIVE]")
ლამაზი იყო შენგელიას გოლები გუშინ, მაგრამ მაგის გარდა რამდენი წუნი ჰქონდა, რამდენჯერ ბურთი ვერ გააჩერა, ხან გადაწყვეტილება ვერ მიიღო და ა.შ. ამასაც უყურებენ სკაუტები. გაბალასთან რისი საშუალებაც ჰქონდა და რამდენჯერ. მაგდენის უფლებას მაღალი კლასის გუნდები არ მისცემენ.
რაც შეეხება ლევანს: აშკარაა თავი ამოწურა აქ,აშკარაა რო წინ ნაბიჯია საჭირო მის კარიერაში და დანარჩენი თითონ გადაწყვიტოს.ისე ძალიან ბევრია იღბალზე დამოკიდებული-ისეთები მინახია მაგარი ტრანსფერი გაუჩარხიათ რო რამდენიც გინდათ.ეტყობა რო კაციც არ ყავს ლევანს,თორე დიდი ხანია ნაკრებში უნდა იყოს.სადაც არველაძეს ეძახიან რატო ლევანი არ უნდა იყოს...ხოდა ამიტომაც ვართ ზოგადად იქ სადაც ვართ.დიდი მადლობა ლევანს გუშინდელისთვის და ყველაფრისთვის.წარმატებები მას ესპანეთში!!?