ფოტო: facebook.com/DINAMOTB/
ჰოლანდიური გამოცემა vi.nl აქვეყნებს სტატიას ერედივიზიონის წარმომადგენელი კლუბების მეტოქეებზე ევროპა ლიგის მესამე საკვალიფიკაციო ეტაპზე და თბილისის "დინამოზეც" საუბრობს.
სტატიის სათაურიც ძალიან საინტერესოა - "თბილისის "დინამო" "დე კუიპზე" ("ფეიენოორდის" არენა) სისხლის დასაღვრელად მზად არის". გამოცემა აღნიშნავს, რომ თბილისური კლუბი სრულ მზადყოფნაში იმყოფება "ფეიენოორდის" თამაშის წინ.
საქართველოს ჩემპიონატის ლიდერი შესანიშნავ ფორმაშია და "დე კუიპზე" ვიზიტის წინ თავდაჯერება შემატა საკუთარ თავს.
"დინამო" გაცილებით უფრო კარგად თამაშობს, ვიდრე პსვ-ს მოწინააღმდეგე "ჰიოგესუნი". ფელის ვისენტეს გაწვრთნილებმა უკვე გაიარეს ევროპა ლიგის ორი ეტაპი და საკუთარ
ჩემპიონატს 22 ტურის შემდეგ ლიდერობენ. კვირას კი "დინამომ" თანაქალაქელ "ლოკომოტივს" 6:0 მოუგო.
სტატიის ავტორის მიხედვით, "ფეიენოორდმა" განსაკუთრებული ყურადღება უნდა მიაქციოს ნიკა ნინუას. თბილისელთა საყრდენი ნახევარმცველი "ლოკომოტივთან" შეხვედრაში ბრწყინვალედ გამოიყურებოდა. ნინუამ 2 გოლი გაიტანა და 3 საგოლე გადაცემა გააკეთა. თბილისის "დინამომ" ზედიზედ 8 შეხვედრაში მოახერხა გამარჯვების მოპოვება.
როტერდამის "ფეიენოორდსა" და თბილისის "დინამოს" შორის პირველი შეხვედრა 8 აგვისტოს როტერდამში გაიმართება. თამაში თბილისის დროით 21:30 საათზე დაიწყება.
![alt](/pictures/image50/bd41da8f2e3309808e7964fc1a431ead.jpg "ჰოლანდიური გამოცემა: "დინამო" "ფეიენოორდის" სტადიონზე სისხლის დასაღვრელად მზად არის")
ეროვნული ლიგა. XXII ტური: თბილისის "დინამომ" როი მაკაის 6 უპასუხო გოლი აჩვენა [VIDEO]
წარმატებები "დინამოს"და ამ ვაჟკაც ქართველ ფეხბურთელს!!!