ფოტო: armeniasputnik.am
"არარატ-არმენიას" რუსმა ლეგიონერმა ანტონ კობიალკომ "საბურთალოსთან" გამართული შეხვედრის შემდეგ მცირე ინტერვიუ Матч ТВ-ს მისცა.
"ისევ გვჯერა, რომ "საბურთალოს" ბარიერის გადალახვა და შემდეგ ეტაპზე გასვლა შეგვიძლია. ჩვენ იმედს არ ვკარგავთ. მოწინააღმდეგე თანაბარი ძალისაა. "საბურთალო" ახალგაზრდა, ორგანიზებული გუნდია. პირველ ტაიმში კარგად ვითამაშეთ: გოლი გავიტანეთ, მომენტები და შეტევები კიდევ გვქონდა, მეორე ტაიმში კი, არ მესმის, რა მოხდა, რაღაც ალოგიკური გოლები გავიდა... მიუხედავად ამისა, ყველაფერი ისე ჩვენს ხელთაა.
განვლილ თამაშში კი საოცარი მხარდაჭერა გვქონდა, სულ მცირე, 12 000 გულშემატკივარი მოვიდა. პირველ რიგში,
ეს კავკასიური დერბი იყო; მეორე მხრივ კი, აქამდე ევროპა ლიგის მესამე ეტაპზე სომხური ფეხბურთის ისტორიაში მხოლოდ "პიუნიკი" იყო გასული. ახლა კი ჩვენ ისტორიის შეცვლის შანსი გვაქვს, არათუ პლეი-ოფში, არამედ ჯგუფურ ეტაპზეც შეგვიძლია გავიდეთ. საქართველოში ამ მიზნის მისაღწევად ყველაფერს გავაკეთებთ", - თქვა კობიალკომ.
ანტონ კობიალკო "არარატ-არმენიას" მხრიდან "საბურთალოს" კარში ერთადერთი გატანილი გოლის ავტორია. თუმცა რუსი ფეხბურთელის გოლი საკმარისი არ აღმოჩნდა და საქართველოს ჩემპიონმა ევროპა ლიგის მესამე საკვალიფიკაციო ეტაპის პირველ შეხვედრაში მეტოქე გასვლაზე დაამარცხა - 2:1.
განმეორებითი მატჩი თბილისში, 14 აგვისტოს გაიმართება. შეხვედრას მიხეილ მესხის სახელობის სტადიონი უმასპინძლებს და თამაში 20:00 საათზე დაიწყება.
![alt](/pictures/image50/e33343c9566dbb1008d8c6be024e6cd1.jpg ""არარატ-არმენიას" ფეხბურთელი: მეორე ტაიმში ალოგიკური გოლები გავიდა")
"საბურთალომ" "არარატ-არმენიას" თამაში შემოუტრიალა და გაიმარჯვა! [VIDEO]
![alt](/pictures/image50/933b87ef7f6841bc0b6fceb79c75ee10.jpg ""არარატ-არმენიას" ფეხბურთელი: მეორე ტაიმში ალოგიკური გოლები გავიდა")
გიორგი ჭიაბრიშვილი: როდესაც გუნდი სახიფათო კონტრშეტევაზეა და მეტოქე წაქცეულია, თამაში არ ჩერდება
![alt](/pictures/image50/6746389828326fafc45ff9c51ebe859e.jpg ""არარატ-არმენიას" ფეხბურთელი: მეორე ტაიმში ალოგიკური გოლები გავიდა")
ვარდან მინასიანი: მეტოქემ ვერაფრით გაგვაკვირვა, თბილისში მხოლოდ მოსაგებად გავემგზავრებით
![ეროვნული ლიგა. XXX ტური. "ტორპედო" - "საბურთალო" [LIVE]](/pictures/image7/fe95d5f15fbb87dc59268ad75bf2a8c7.png "ეროვნული ლიგა. XXX ტური. \"ტორპედო\" - \"საბურთალო\" [LIVE]")
![ეროვნული ლიგა. XXVIII ტური. "ლოკომოტივი" - "საბურთალო" [LIVE]](/pictures/image7/52ba319a58928778cd09abfb71efffb1.png "ეროვნული ლიგა. XXVIII ტური. \"ლოკომოტივი\" - \"საბურთალო\" [LIVE]")
