თბილისის "ლოკომოტივის" მთავარმა მწვრთნელმა გიორგი ჭიაბრიშვილმა ევროპა ლიგის მეორე საკვალიფიკაციო ეტაპის კენჭისყრა შეაფასა.
"პირველი ეტაპის წილისყრაზეც ვთქვი და ახლაც ვამბობ, გამართლება-არგამართლებაზე ნამდვილად არაა. პოტენციური მეტოქეებიდან სამივე ძალიან ძლიერი გუნდი იყო, ევროტურნირებზე დიდი გამოცდილებით.
მოვემზადებით ისე, როგორც აქამდე ვემზადებოდით - მაქსიმალური მობილიზებითა და კონცენტრაციით. ამ წყვილში ფავორიტი ჩვენი მეტოქეა, მაგრამ პირველ ეტაპზეც ასე ვიყავით, აუტსაიდერებად ვითვლებოდით; ფურცელზე სხვაა, მოედანზე კი - სულ სხვა.
გაგვიმართლა, რომ მეორე ეტაპსაც სახლში ვითამაშებთ. ძალიან ძლიერი, მაღალბიუჯეტიანი მეტოქე გვყავს, რომელიც რუსეთის ჩემპიონატში მეოთხე ადგილზეა. შემადგენლობაში რუსეთის
ეროვნული და ახალგაზრდული ნაკრების 12 ფეხბურთელი ჰყავთ. ასევე, ლეგიონერები ისეთი ქვეყნებიდან, როგორებიცაა ხორვატია, გერმანია, პოლონეთი, უკრაინა, ბოსნია, ნიგერია.
ახლა დეტალებში ვერ ჩავალ, რადგან ჯერჯერობით "ლოკომოტივი" ეროვნული ლიგის მორიგი ტურის მატჩისთვის ემზადება. ამის შემდეგ მთლიანად გადავერთვებით მოსკოვის "დინამოსთან" მატჩზე", - აღნიშნა ჭიაბრიშვილმა.
მოგეხსენებათ, "რკინიგზელები" ევროპა ლიგის მე-2 საკვალიფიკაციო ეტაპზე საკუთარ კედლებში მოსკოვის "დინამოს" შეხვდება. მატჩი 17 სექტემბერს გაიმართება.
ევროპა ლიგაზე თბილისის "ლოკომოტივის" მეტოქე ცნობილია
ევროპა ლიგაზე თბილისის "დინამოს" მეტოქე ცნობილია
![გაგნიძემ მოსკოვის "ლოკომოტივს" ურთულესი პოზიციიდან გაუტანა [VIDEO]](/pictures/image7/f75b8452e5f15d869da866abe337447b.jpg "გაგნიძემ მოსკოვის \"ლოკომოტივს\" ურთულესი პოზიციიდან გაუტანა [VIDEO]")
მიდი გია გაუყარე ღორებს, შენი იმედი გვაქვს!
ყირიმოს ანექსია რომ გააკეთა რუსეთმა, ერთ რუსს ეწერა რუსულ ფორუმზე, სადღაც ციმბირში ვზივარო, პურის და არყის ფულიც არ მაქვსო, მაგრამ მკიდია, ყირიმი ხომ ჩვენიაო.
შენ მაგ რუსსაც გადაუჯოკრე ლოგიკაში.