ისრაელის მედიაში გაჩნდა ინფორმაცია, რომ თელ-ავივის მაკაბის მთავარ მწვრთნელად თემურ ქეცბაიას ვარიანტი განიხილება. ამის შესახებ ჟურნალისტებმა კითხვა გუნდის ამჟამინდელ დამრიგებელ გეორგიოს დონისსაც დაუსვეს, რომელიც ამ შეკითხვამ ძალიან გააბრაზა.
როგორც იცით, ხუთშაბათს "მაკაბიმ" საკუთარ მოედანზე "სივასპორს" სძლია და ევროპა ლიგის 1/32-ფინალში გავიდა.
დონისიც სწორედ ამიტომ იყო გაცხარებული ჩვენ ასეთ წარმატებას მივაღწიეთ, თქვენ კი ახალ მწვრთნელზე მესაუბრებითო...
"ფაქტები ყველაფერზე მეტყველებენ. ფეხბურთში ბავშვობიდანვე ვარ. ვითამაშე ინგლისის პრემიერ ლიგაში და ასევე დიდ ბერძნულ კლუბებში.
ასევე ვწვრთნიდი დიდ გუნდებს. ზეწოლა და კრიტიკა გასაგებია, მაგრამ ეს მაშინ უნდა იყოს, როდესაც შედეგები ცუდია, მაგრამ ჩვენ ხომ კარგი შედეგები გვაქვს?!
თქვენ მეკითხებით რას ვფიქრობ მწვრთნელის შეცვლაზე, მე კი გპასუხობთ, რომ საბერძნეთში და კვიპროსში ჩემზე კარგი მწვრთნელი არავინაა, მათ შორის ქეცბაიაც", - თქვა დონისმა.
![alt](/pictures/image50/92f3275974bab169f8b946eb02a593cf.jpg ""ქეცბაიაზე უკეთესი მწვრთნელი მე ვარ" - "მაკაბის" დამრიგებელი ქართველის შესახებ დასმულმა კითხვამ განარისხა")
ისრაელის ჩემპიონს მწვრთნელად თემურ ქეცბაია სურს
