30 მარტს 21-წლამდელთა ევროპის ჩემპიონატის მესამე ტურის შეხვედრები გაიმართება. სლოვენიის ქალაქ ცელიეს სტადიონზე ჯგუფური ეტაპის დასკვნით შეხვედრაში ერთმანეთს ესპანეთი და ჩეხეთი დაუპირისპირდებიან. B ჯგუფში არსებული სატურნირო მდგომარეობის გათვალისწინებით, მატჩის შედეგს ორივე გუნდისთვის დიდი მნიშვნელობა აქვს.ესპანეთისა და ჩეხეთის დაპირისპირებას ქართველ მსაჯთა ბრიგადა განსჯის. მთავარი არბიტრი გიორგი ყრუაშვილი იქნება. მას ასისტენტობას ლევან ვარამიშვილი და ზაზა ფიფია გაუწევენ. უეფას გადაწყვეტილებით, ამავე მატჩს დელეგატის რანგში საქართველოს ფეხბურთის ფედერაციის თანამშრომელი ვახტანგ ბზიკაძე მოემსახურება.
GFF.GE
ქართველი არბიტრი ევროპის U21 ჩემპიონატზე იმსაჯებს
