საქართველოს ფეხბურთის ფედერაციის განცხადება

AutoSharing Option
დღეს, მედიაში გავრცელდა ინფორმაცია, რომ ადამიანი, რომელიც, ჟურნალისტ ნინო ჯანგირაშვილის თქმით, მედიის წარმომადგენლების მიმართ, სოციალური ქსელების საშუალებით, მუქარის შემცველ კომენტარებს აქვეყნებს, საქართველოს ფეხბურთის ფედერაციის თანამშრომელია.

უპირველსად, გვსურს აღვნიშნოთ, რომ კატეგორიულად ვემიჯნებით და ვგმობთ ყველა სახის ძალადობას, იქნება ეს ფიზიკური, თუ სიტყვიერი.

თუმცა, გამომდინარე იქიდან, რომ საქართველოს ფეხბურთის ფედერაციის მიმართულებით არაერთხელ გაჟღერდა ცრუ ბრალდება, ვფიქრობთ, საზოგადოებამ უნდა იცოდეს, რომ ეს ფაქტი სიმართლეს არ შეესაბამება.

ჟურნალისტის მიერ დასახელებული ადამიანი არასდროს ყოფილა საქართველოს ფეხბურთის ფედერაციის თანამშრომელი!

ასევე უნდა აღინიშნოს, რომ ნინო ჯანგირაშვილს დაუყოვნებლივ
ეცნობა ამის შესახებ, თუმცა, მედიის წარმომადგენლებმა მტკიცებით ფორმაში მაინც განაგრძეს ამ ადამიანის ფედერაციის თანამშრომლად მოხსენიება, რაც ერთის მხრივ, საზოგადოების შეცდომაში შეყვანას ისახავს მიზნად, მეორე მხრივ კი, ცდილობს, პარალელის გავლებით, დარტყმა მიაყენოს ფეხბურთის ფედერაციას, რაც დაუშვებელია!

GFF.GE
მკითხველის კომენტარები / 3 /
ფედერაცია მუშაობს, ბევრად უკეთესად, ვიდრე მისი წინამორბედები, მაგრამ ამ შემთხვევაში თუ სიმართლე გაქვთ, დაამტკიცეთ, დაჟინებული მოთხოვნით საქმე არ კეთდება, ეჭვი მაქვს, რომ ამაში არის სიმართლის ნატამალი, თორემ პარლამენტარები არ გაკლიათ ფედერაციაში. ჯანყარაშვილი ჰაერიდან სიტყვებს არ ისვრის.
5
უჩივლეთ მერე მაგ ნინო ჯანგირაშვილია თუ ვიღაცაა. ეს განცხადება ეყოფა? ბოლომდე გადაუარეთ სასამართლოთი.
აბა თქვენ გექნათ, რა ამბავს აგიტეხავდნენ!
გიორგი
10:32 01-05-2021
7

სიახლეები პოპულარული