"ნეფთჩიმ" მოსკოვის "სპარტაკი" დაამარცხა და თბილისში კარგი განწყობით მოდის

"ნეფთჩის" ყოფილმა მეკარე ჰუსეინ მაგომედოვმა azerisport-თან თბილისის "დინამოსთან" შეხვედრის წინ აზერბაიჯანული კლუბის შანსებზე ისაუბრა.

"ნეფჩიმ" სლოვენიის საწვრთნელი შეკრება გაიარა, რომლის ფარგლებშიც ამხანაგური მატჩები ჩაატარა. ბოლო შეხვედრაში მოსკოვის "სპარტაკი" 2:1 დაამარცხეს.

"შემადგენლობაში ცვლილებებია, ახალმოსულები თანდათან ეგუებიან გუნდს. მჯერა, თბილისის "დინამოსთან" შეხვედრამდე ბოლომდე შეთამაშდებიან.

რაც შეეხება "სპარტაკთან" მატჩს, აშკარა იყო, რომ "ნეფთჩი" დიდი მონდომებით თამაშობდა.  ბიჭებმა მოიგეს და ძალიან კარგადაც ითამაშეს. 

რა თქმა უნდა, ეს გამარჯვება კიდევ ერთი სერიოზული სიგნალი გახდა ქართული "დინამოსთვის". მათ დაინახეს, რომ "ნეფთჩი" სულაც არ არის მარტივი მეტოქე. ამ თამაშით ვაჩვენეთ, რომ ჩემპიონთა ლიგის შემდეგ ეტაპზე გასვლას ვიმსახურებთ. ამავდროულად, საჭირო იქნება, თბილისურ გუნდთან კიდევ უფრო დიდი სურვილითა და თავდადებით ვიმოქმედოთ. ალბათ, ასეც იქნება. თანდათანობით "ნეფთჩი" პოულობს თავის თამაშს. საერთო ჯამში, გუნდმა კარგად ითამაშა და ვიმედოვნებ, რომ ისინი სიხარულს მოგვანიჭებენ.

ის ფაქტი, რომ ცხადაძე აზერბაიჯანში მუშაობდა და საფუძვლიანად შეისწავლა ჩვენი ფეხბურთი, რა თქმა უნდა, ეს "ნეფთჩის" გარკვეულ პრობლემებს შეუქმნის. კახა საათობით აანალიზებს მოწინააღმდეგეს. ერთი სიტყვით, ცხადაძე კომპეტენტური და ქმედითუნარიანი სპეციალისტია. მაგრამ ამ ყველაფრის მიუხედავად, "ნეფთჩი" არის "ნეფთჩი".

შეგახსენებთ, "დინამოსა" და "ნეფთჩის" პირველი შეხვედრა 7 ივლისს, თბილისში გაიმართება. 

ტრანსფერები, სერიოზული სპარინგ-პარტნიორი - ბაქოს "ნეფთჩი" თბილისისთვის ემზადება

"ნეფთჩის" ყოფილი ფეხბურთელი: ბაქოელებს "დინამოს" დამარცხების მშვენიერი შანსი აქვთ

"დინამოსა" და "ნეფთჩის" შანსები თანაბარია - საქართველოს ნაკრების ექსფეხბურთელი