არველაძე იმედგაცრუებულია - "ქულის მოპოვება შეგვეძლო"

ჩემპიონშიპის ლიდერ "ფულემთან" (0:1) ალეკსანდრ მიტროვიჩის (31-ე გოლი მიმდინარე სეზონში) შედეგიანი დარტყმით მარცხის შემდეგ, "ჰალ სიტის" მთავარმა მწვრთნელმა შოთა არველაძემ კომენტარი გააკეთა:

"ნება მიბოძეთ ვთქვა, რომ იმედგაცრუებულები ვართ. ქულა რომ აგვეღო, მჯერა, ყველა იტყოდა, რომ ჩვენ ამას ვიმსახურებდით...

ეს არის ფეხბურთი... ჩვენ ვეთამაშეთ ლიგის საუკეთესო გუნდს. ისინი საუკეთესო გამტანები არიან. თუ მათ სტატისტიკას დააკვირდებით - სწრაფად თამაშობენ და ერთმანეთის ესმით...

ჩვენ ვცდილობდით მათ შეჩერებას, გუნდურად დაცვას და გუნდურად შეტევას, რამაც გამახარა, მაგრამ ასევე იმედგაცრუებული ვარ, რადგან მჯერა, რომ ქულის მოპოვება შეგვეძლო.

ეს არის ჩემი გუნდის ხელწერა, სულისკვეთება და დამოკიდებულება, რომელიც მათ აჩვენეს.

დღეს ნამდვილად იყო დღე, როდესაც მე ბიჭებით ვამაყობ. ასევე, დიდ პატივს ვცემ გულშეატკივრების ძალისხმევას - ასეთ სიცივეში და სველ ამინდში ჩვენს დასახმარებლად მოვიდნენ.

მათ ძალისხმევა დაინახეს, კარგი საფეხბურთო მატჩი იხილეს, სადაც ორივე გუნდი ლამაზი, მიმზიდველი ფეხბურთის თამაშს ცდილობდა."

ზედიზედ 3 მარცხის შემდეგ, ქართველი სპეციალისტის გუნდი 15 თებერვალს "შეფილდს" ესტუმრება.

შოთა არველაძის "ჰალი" მიჯრით მესამედ დამარცხდა