როგორც თურქული yeniakit-ი წერს, რაიან ბაბელი ზაფხულის სატრანსფერო ფანჯრის დროს შოთა არველაძის "ჰალ სიტის" წევრი გახდება. გამოცემის მიხედვით, ქართველ სპეციალისტს გამოცდილი მოთამაშეებით გაძლიერება სურს. ვეტერანმა ნიდერლანდელმა მიმდინარე სეზონში 32 მატჩი ჩაატარა, 2 გოლი და 1 საგოლე პასი შეასრულა. 35 წლის ფეხბურთელის ამჟამინდელი საბაზრო ღირებულება 500 ათასი ევროა.
ინგლისურმა კლუბმა, შოთა არველაძის ხელმძღვანელობით, ბოლო 9 ოფიციალური მატჩიდან მხოლოდ 1 მოიგო.
რაიან ბაბელის კარიერა "აიაქსში" დაიწყო. ამის შემდეგ "ლივერპულშიც" საკმაოდ წარმატებით გამოდიოდა. ნიდერლანდელს "ჰოფენჰაიმში", "ქასიმფაშაში", "ალ აინში", "დეპორტივოში", "ბეშიქთაშსა" და "ფულემშიც" უასპარეზია.
შოთა არველაძე: უკრაინელი ხალხის და ჯარისკაცების მხარდაჭერა ახლა მნიშვნელოვანია
"ჰალმა" შოთა არველაძეს იუბილე აუტსაიდერთან მატჩში ვერ მიულოცა
შოთა არველაძემ ინგლისში მოგებით დაიწყო
