24 წლის ქართველი მწვრთნელი "იუვენტუსში" - როგორ უნდა გვყავდეს უფრო მეტი "კვარა"...

- სამწვრთნელო კურსების გავლაც "არსენალში" დავიწყე. ამჟამად კვლავ ლონდონში ვმოღვაწეობ, ოღონდ ტურინის "იუვენტუსის" აკადემიის (Juventus Academy London) მთავარი მწვრთნელი ვარ. 8-9 წლის ბავშვებთან ერთად ტიტულები მოვიგე, შემდეგ კი 11-12 წლამდელებთან ერთად Juventus Academy World Cup-სა და Junior Premier League-ზე გავიმარჯვეთ. მაქვს Sport Science სერთიფიკატი (Sport Development and Coaching Degree). უახლოეს მომავალში ვაპირებ სამაგისტრო ნაშრომის დაცვას (Performance Analis-ში).

მიუხედავად საკმაოდ პატარა ასაკისა, კლუბის მხრიდან მაქვს სრული ნდობა, გავხდე "იუვეს" აკადემიების წარმატების ერთ-ერთი გასაღები როგორც ინგლისში, ასევე სხვა ქვეყნებში...



- საქართველოში წარმატებული საფეხბურთო ქვეყნების მაგალითის გამოყენება ძალიან მნიშვნელოვანია. სამწუხაროდ, არაერთი პრობლემა გვაქვს და ბავშვთა ფეხბურთში პროფესიონალიზმის დეფიციტიც არსებობს, რასაც არასასურველ შედეგებამდე მივყავართ. ევროპული ფილოსოფიის დანერგვა და ტურნირების გამართვა დიდი კლუბების აკადემიებთან ჩვენი ბავშვებისთვის დიდი ფუფუნება იქნება და ბევრ კარგ რამეს შეითავსებენ. მთავარია, ყველაფრის სწორად მიწოდება და გამოყენება მოხდეს.

მგონია, რომ საქართველოში სპორტის პოპულარიზება ადრეულ ასაკშივე მეტად უნდა მოხდეს. სკოლიდანვე უნდა ისწავლებოდეს, როგორ გავუფრთხილდეთ საკუთარ ორგანიზმს და მენტალურად ჯანმრთელები ვიყოთ. სწორედ ამის არარსებობის გამოა, ბავშვებს უჭირთ დაადგინონ, თუ რა ხდება მათი ტრავმის მიზეზი. ამ საკითხზე მუდმივად სამწვრთნელო შტაბსა და გუნდის ექიმებზე დამოკიდებული ვერ იქნები...


- "იუვენტუსს" თავისი მეთოდოლოგია აქვს. ბავშვებს 5 წლის ასაკიდან ასწავლიან ბურთთან ურთიერთობას, კოორდინაციასა და დისციპლინას. 9-დან 12 წლამდე ხდება ტექნიკურ ელემენტებსა და ასპექტებზე მუშაობა, ამის შემდეგ კი ფოკუსი მთლიანად ფიზიკურ მომზადებაზე გადადის.

ჩვენს კლუბს აკადემია 60-ზე მეტ ქვეყანაში აქვს. ვცდილობთ, ოცნება მაქსიმალურად ბევრ ბავშვს ავუხდინოთ. ჩვენი სისტემა ძალიან გამართულია.



- რა თქმა უნდა, "იუვენტუსის" ხელმძღვანელობამ ხვიჩა კვარაცხელიას შესაძლებლობების შესახებ ყაზანის "რუბინიდან" და საქართველოს ნაკრებიდან კარგად იცოდა, თუმცა ტრანსფერს ხელი შეეშალა. რუსეთის ჩემპიონატში მოთამაშეში 20 მილიონი ევროს გადახდა (რაც ხვიჩას სატრანსფერო ფასი იყო) ევროპულმა კლუბებმა ერთგვარ რისკადაც ჩათვალეს. ამის შემდეგ "იუვემ" სხვა ფეხბურთელებიც შეიძინა და ეს გარიგება საბოლოოდ "ნაპოლიში" შედგა.

მინდა, თითოეულ ქართველ ბავშვს წარმატება ვუსურვო. ხვიჩა კვარაცხელიამ მათი ოცნებები უფრო ცხადი და ასრულებადი გახადა, ფეხბურთისადმი სიყვარული და რწმენა გაუღვივა. მათ უბრალოდ კეთილი
რჩევას მივცემ - განათლება მიიღონ და საკუთარ თავზე მეტად იმუშაონ. თანამედროვე ფეხბურთში განათლების ფასი დიდია!..

"ნაპოლი" ზეიმობს - ხვიჩას რთული არჩევანი, "კვარადონას" დილემა და გულშემატკივართა "პრეტენზიები"...

"ხვიჩას ეს უნიკალური თვისება აქვს" - ტოტიმ კვარაცხელია და ლეაო შეადარა