შეხვედრამ დიდი ინტერესი გამოიწვია, სტადიონი პირთამდე გაივსო. პირველი ტაიმი გარდამავალი უპირატესობით მიმდინარეობდა და სანტანას მიერ მოპოვებული, ცოტა არ იყოს, საკამათო პენალტით სტუმრები კასიმმა დააწინაურა. მასპინძლებს შეტევების ორგანიზება უჭირდათ. არაბიძეს პერსონალურად ქართველი ლეგიონერი გადრანი მეურვეობდა, თუმცა გიორგიმ მაინც შექმნა მომენტი, როდესაც მისი ჩაწოდებული ბურთი მეკარემ მოიგერია, დამატებაზე კი ბუღრიძემ გატანა ვერ შეძლო, ხოლო „აქტობემ“ კონტრიერიშისას ქუთაისელთა დაცვის შეცდომით ისარგებლა და რაიჩკოვიჩმა კლიაიჩის კარი დალაშქრა.
შესვენების შემდეგ „ტორპედო“ ინიციატივას დაეუფლა, შეუტია. ბუღრიძემ ახლო მანძილიდან ვერ უწია მიზანს. ყაზახურმა გუნდმა მალე ქობულაძის შეცდომით ისარგებლა და სამოროდოვმა ანგარიში გაზარდა. დარჩენილ დროში მასპინძლებმა რამდენიმე შანსი ვერ გამოიყენეს, მერე არაბიძემ გაიტანა, კომპენსირებულ დროში მეტოქემ მეოთხე გოლი გაიტანა და დამაჯერებელი გამარჯვება მოიპოვა.
საპასუხო შეხვედრა 3 აგვისტოს გაიმართება.
ქუთაისი. „რამაზ შენგელია“
ტორპედო - აქტობე 1:4
გოლები: 0:1 კასიმი (34, პენ), 0:2 რაიჩკოვიჩი (43), 0:3 სამოროდოვი (73), 1:3 არაბიძე (89), 1:4 ფილიპოვიჩი (90+2)
Გამოხვალთ ეხლა და ფედერაციას დაადანაშაულებთ და მსაჯებს.
Ისე ეგ ავღანელები რომელი ლტოლვილთა ბანაკიდან მოიყვანეთ? Აი არა გრცხვენიათ რამაზ შენგელიას მშობლიურ ქალაქში 11 ნომერი ავღანელი გეყოლებათ?
აღარ ვართ საფეხბურთო საბჭოთა საქართველო!
ადრე ყველაზე მდიდარი იყო საბჭოთა საქართველო და ახლა ყველაზე ღატრაკია!
პ. ს. ვეჟო, ყველა სპორტის სახეობა წელში გაიმართა ამ ფეხბურთის გარდა, რომელიც 30 წელზე მეტია ერთ წრეზე ბრუნავს და უფრო რეგრესირებს, მაგრამ ახლა უკვე ფსკერზე ვართ. ქუთაისი, საიდანაც თბილისის დინამო ტალანტებით ივსებოდა სამარცხვინოდ აგებს ყაზახებთან. ისე მაგათ რა უჭირთ, ნავთობით მდიდარი ქვეყანაა და ყველაზე მეტი პენსია პოსტ-საბჭოთა სივრცეში მათ აქვთ, თვით ბალტიისპირელებზე მეტი!