ორშაბათს, 31 იანვარს, პიერ-ემერიკ ობამეიანგი ბარსელონაში ჩაფრინდა, უახლოეს საათებში კი "ბლაუგრანასთან" კონტრაქტს გააფორმებს.
მხარეებმა შეთანხმებას უკვე მიაღწიეს. კატალონიურმა გრანდმა შეძლო და მიაგნო ფორმულას, რის შემდეგაც გაბონელი ფორვარდის იჯარის წესით გადაბირება შეძლო, ეს ყველაფერი კი იმის ფონზე, რომ დიდი ალბათობით, უსმან დემბელე კლუბს არ დატოვებს.
"ბარსელონა" ფორვარდს ეძებს
იანვრის სატრანსფერო ფანჯრის დროს "ლურჯ-ბროწეულისფერების" წარმომადგენლები "იუვენტუსის" შემტევის, ალვარო მორატას გადმოყვანას ცდილობდნენ. თავდაპირველად "ბიანკონერის" ბოსებს არ სურდათ ესპანელის გაშვება, თუმცა მოგვიანებით "ფიორენტინადან" დუსან ვლაჰოვიჩი გაიფორმეს და ალვაროს საჭიროებაც ნაკლებია.
თუმცა "ბარსელონამ" მადრიდის "ატლეტიკოს"
ამიტომ, კატალონიურ გიგანტს მოუწია გადართულიყო ობამეიანგზე. ყველაფრისდა მიუხედავად, არის დეტალები, რომლებიც დღესვე უნდა გაფორმდეს და გაბონელი სეზონის ბოლომდე "ბლაუგრანასთვის" შეუტევს.
შეგახსენებთ, ამ სეზონში პიერმა პრემიერლიგაში "მეთოფეების" მაისური 14-ჯერ მოირგო და თავი 4 გოლითა და 1 ასისტით გამოიჩინა.
მომზადებულია Marca-ს მიხედვით
