ჯოვანი სიმეონე კარიერას "ნაპოლიში" გააგრძელებს. აღნიშნული ინფორმაცია ნეაპოლური კლუბის ოფიციალურმა გვერდმაც დაადასტურა.არგენტინელი "ლურჯებში" იჯარის წესით ითამაშებს. 27 წლის მოთამაშეს სერია A-ში თამაშის მრავალწლიანი გამოცდილება აქვს, ჯოვანის "ფიორენტინაში", "კალიარისა" და "ვერონაში" უთამაშია. იტალიის ჩემპიონატში ჯამში 215 მატჩი აქვს ჩატარებული და მის ანგარიშზე 67 გატანილი გოლი და 20 შედეგიანი გადაცემაა. "პარტენოპეი" უახლოეს დღეებში ნდომბელესა და რასპადორის ტრანსფერების დახურვასაც შეეცდება.
შეგახსენებთ, "ნაპოლი" სერია A-ს მეორე ტურში 21 აგვისტოს "მონცას" დაუპირისპირდება.
