გთავაზობთ 19 აგვისტოს სატრანსფერო სიახლეებს."ბარსელონას" ყოფილი მოთამაშის ლობო კარასკოს თქმით, ლიონელ მესის "ბლაუგრანაში" დაბრუნება სურს. "კატალონიელები ტრანსფერზე მუშაობას იანვრიდან დაიწყებენ და ვნახავთ შედგება თუ არა დაბრუნება" - განაცხადა კარასკომ, შეგახსენებთ მესიმ მშობლიური კლუბი გასულ ზაფხულში დატოვა და თავისუფალი აგენტის სტატუსით პსჟ-ს შეუერთდა, არგენტინელს ფრანგულ გუნდთან კონტრაქტი მომავალ ზაფხულს ეწურება.
"მანჩესტერ იუნაიტედი" კაზემიროს შეძენასთან ახლოსაა, The Athletic-ის ცნობით, ბრაზილიელი თანახმაა "მანკუნიანელებს" შეუერთდეს. ახალ კლუბში საყრდენი ნახევარმცველი კვირაში 415 000 ევროს გამოიმუშავებს, მადრიდის "რეალი" კი 60 მილიონ ევროს მიიღებს. ფლორენტინო პერესს
ტურინის "იუვენტუსი" მემფის დეპაის შეძენას ცდილობს, ფაბრიციო რომანოს ინფორმაციით, "ბარსელონასა" და "იუვეს" შორის მოლაპარაკებები უახლოეს დღეებში გაიმართება. იტალიურ გუნდს მემფისის შეძენა თავისუფალი აგენტის სტატუსით სურთ, კონტრაქტის მიხედვით, ჰოლანდიელს "ბლაუგრანასთან" კიდევ 1 წელი აკავშირებს, თუმცა შემტევი ხავის გეგმებში არ ჯდება, ამიტომ ტრანსფერის ალბათობა მაღალია.
"ლივერპული" "დორტმუნდის" ვარსკვლავით ჯუდ ბელინგემით ინტერესდება. Daily Mirror-ის ცნობით, მერსისაიდელებს ნაბი კეიტასთან სურთ განშორება და ინგლისელს სწორედ მის შემცვლელად მოიაზრებენ, კეიტა "ლივერპულს" 2018 წელს "ლაიფციგიდან" 60 მილიონი ევროს სანაცვლოდ შეუერთდა, თუმცა ხშირი ტრავმიანობის გამო საკუთარი თამაში ვერ იპოვა და იურგენ კლოპი ახალი ნახევარმცველის დამატებას აპირებს, უცნობია გეგმავს თუ ბელინგემი ინგლისში დაბრუნებას.
CBC Sports-ის ინფორმაციით, "დორტმუნდი" ერთადერთი კლუბია, რომელსაც კრიშტიანო რონალდოს შეძენა შეუძლიათ, პორტუგალიელი კვლავ გუნდის დატოვებასა და ჩემპიონთა ლიგის მონაწილე გუნდში გადასვლა სურს. რონალდოს აგენტი ჟორჟე მენდეში ტრანსფერის დახურვას შეეცდება, "მანჩესტერის" ჰოლანდიელი თავკაცი კრიშტიანოს ხელშეუხებელ მოთამაშედ აღარ მიიჩნევს, რადგან ბრიტანულ მედიაში გავრცელებული ინფორმაციით, იგი კლუბის გასახდელში სიტუაციას აფუჭებს და მისი ქცევები გუნდის ხასიათზე უარყოფითად ისახება.
ლონდონის "ჩელსის" უახლოეს მომავალში ორი შემტევის აარონ გორდონისა და ობამეიანგის დამატება სურთ, გორდონი "ევერტონის" ღირსებას იცავს, ინგლისელის სანაცვლოდ "არისტოკრატებმა" "კანფეტებს" 50 მილიონი შესთავაზეს, თუმცა მერსისაიდელებმა წინადადება დაბლოკეს, "ჩელსი" მის სანაცვლოდ კიდევ ერთ წინადადებას ამზადებს, რაც შეეხება ობამეიანგს, გაბონელი პრემიერ ლიგაში დაბრუნების ვარიანტს მიესალმება, "ბარსელონა" კი მზადაა 32 წლის მოთამაშეს შეელიოს თუ მასში 30 მილიონს აიღებენ. ორივე ტრანსფერის დახურვას პირადად გუნდის მფლობელი ტოდ ბოელი ცდილობს, ამიტომ მოსალოდნელია, რომ მალე "ჩელსის" ახალი შემტევი ხაზი ეყოლება.
