"მანჩესტერ სიტის" ნახევარმცველმა იაია ტურემ "ნაპოლისთან" მოახლოებულ მატჩთან დაკავშირებით ისაუბრა."ჩემზე ძალიან დიდი შთაბეჭდილება მოახდინეს "ნაპოლის" ქომაგებმა. მათი სტადიონი და გულშემატკივრები არავის არ დატოვებს გულგრილს. მე არ ვარ შეშინებული, უბრალოდ, ვიცი, თუ რა დიდ როლს ითამაშებს ნეაპოლელი ქომაგი ჩვენ ზურგს უკან.
ეს არის მნიშვნელოვანი მატჩი. აუცილებელია შეხვედრის სწორად ჩატარება. "ნაპოლს" ჰყავს მწვრთნელი, რომელიც არის ნოვატორი იტალიურ ფეხბურთში. ყველამ ვიცით, თუ როგორი კონკურენტუნარიანი გუნდები ჰყავს იტალიას".
შეგახსენებთ, ჩემპიონთა ლიგის მე-4 ტურში, პირველ ნოემბერს "ნაპოლი" "მანჩესტერ სიტის" მიიღებს.
