ლონდონის "არსენალის" ყოფილი მეკარე ვოიცეხ შჩესნი, რომელიც ამჟამად ტურინის "იუვენტუსის" ღირსებას იცავს, "ტოტენჰემს" გაეხუმრა. ჩემპიონთა ლიგის 1/8-ფინალური ეტაპის განმეორებითი თამაშის შემდეგ პოლონელმა კარის დარაჯმა სოციალურ ქსელში დაწერა: "დიდებული გამარჯვება და ზეიმი VS ჩრდილოეთ ლონდონის ერთ-ერთი საუკეთესო გუნდის წინააღმდეგ".
როგორც იცით, "არსენალი", სადაც შჩესნი ასპარეზობდა, სწორედ ჩრდილოეთ ლონდონის გუნდია, "მეთოფეებისა" და "დეზების" ქომაგთა მტრობა კი ყველასთვის ცნობილია.
