ჩემპიონთა ლიგის პირველი 1/4-ფინალური მატჩი "რომამ" "ნოუ კამპზე" "ბარსელონასთან" 1:4 წააგო, ჯალოროსის ნახევარმცველი რაჯა ნაინგოლანი კი აცხადებს, რომ ნახევარფინალში გასვლის შანსი არ დაუკარგავთ."ბარსელონაში ურიგოდ არ გვიასპარეზია და ვთვლი, რომ ცოტა არ გაგვიმართლა. ისე, ღირსეულად ვითამაშეთ. ახლა თავს ზემოთ უნდა გადავხტეთ. იმედია, კარგი შეხვედრა გამოვა და გმირობის ჩადენის იმედი გვაქვს", - განუცხადა რაჯამ უეფას საიტს.
