"იუვენტუსის" ნახევარმცველ სამი ხედირას გულის პრობლემები აქვს. ამის გამო ის ჩემპიონთა ლიგის მერვედფინალურ მატჩში "ატლეტიკოს" წინააღმდეგ მონაწილეობას ვერ მიიღებს.როგორც "ბებერი ქალბატონის" ვებგვერდი იუწყება, გერმანელ მოთამაშეს გულისცემის რიტმი აქვს დარღვეული.
"სამი ხედირა ტურინში დარჩება. მას ელექტროფიზიოლოგიური კვლევა და შესაბამისი მკურნალობა ესაჭიროება, რადგან არითმიის ნიშნები აღენიშნება" - ვკითხულობთ "იუვენტუსის" განცხადებაში.
მადრიდის "ატლეტიკოსა" და იტალიის ჩემპიონის მატჩი დღეს, 20 თებერვალს, 23:59 წუთზე დაიწყება.
![alt](/pictures/image50/f76beebbdc6c40f6a60a33221f3ec0d2.png "სამი ხედირას გულის პრობლემები აქვს - გერმანელი "ატლეტიკოსთან" არ იქნება")
ჩემპიონთა ლიგა. 1/8-ფინალის წინ: იწყება მთავარი მატჩები
