რამოსი ვიპ-ლოჟიდან "რეალის" სირცხვილს უყურებდა, მას კი ფილმში იღებდნენ

"სანტიაგო ბერნაბეუზე" მადრიდის "რეალის" სენსაციურ მარცხს სამეფო კლუბის კაპიტანი თვალყურს პირადი ვიპ-ლოჟიდან ადევნებდა, სადაც მის შესახებ დოკუმენტური ფილმის გადაღება მიმდინარეობდა. დოკუმენტური ფილმის გადაღება რამოსმა იანვრის ბოლოს დააანონსა.

ესპანური Marca-ს ინფორმაციით, ოპერატორები მთელი მატჩის განმავლობაში იღებდნენ რამოსის ქმედებებს როგორც ვიპ-ლოჟაში, ასევე გასახდელში, მატჩის დაწყებამდე. დოკუმენტური ფილმი, რომელსაც კომპანია "ამაზონი" იღებს, ფეხბურთელის ცხოვრებისა და კარიერის შესახებ მოგვითხრობს.

შეგახსენებთ, რომ პირველი 1/8-ფინალური მატჩის დროს, რომელიც "რეალმა" ანგარიშით 2:1 მოიგო, მადრიდელთა კაპიტანმა განზრახ მიიღო ყვითელი ბ

არათი, რათა საპასუხო მატჩი გამოეტოვებინა და მეოთხედფინალური მატჩების გამოტოვების საფრთხე არ დამდგარიყო.

ამის შემდეგ უეფა-მ 32 წლის მცველს ორმატჩიანი დისკვალიფიკაცია გამოუტანა, მისი გუნდი კი საკუთარ მოედანზე ამსტერდამის "აიაქსთან" დამარცხდა (1:4) და ევროპის მთავარ საკლუბო ტურნირს გამოეთიშა.

alt ჩემპიონთა ლიგა. 1/8 ფინალი. ერიჰა - ორი ელ კლასიკოს წაგების შემდეგ, "რეალი" ჩემპიონთა ლიგიდანაც გამოვარდა! [VIDEO]