ხოსეპ გვარდიოლას მუშაობით ბევრი ადამიანი აღფრთოვანებულია და ამასობაში მის ნაკლოვანებებს იშვიათად თუ ამჩნევენ.
ლონდონის "ტოტენჰემთან" ჩემპიონთა ლიგის მეოთხედფინალში სტუმრად წაგება კი მისი ნაკლის კიდევ ერთი დადასტურებაა.
თურმე გვარდიოლას ჩემპიონთა ლიგის პლეი-ოფების 27 საგარეო მატჩში მხოლოდ 6-ჯერ აქვს მოგებული.
10 სეზონის სტატისტიკა ასე გამოიყურება:
- 1/8-ფინალი: 4 მოგება, 4 ფრე და 2 წაგება
- 1/4-ფინალი: 1 მოგება, 5 ფრე და 3 წაგება
- 1/2-ფინალი: 1 მოგება, 1 ფრე, 5 წაგება
"ტოტენჰემთან" მარცხი გვარდიოლასთვის ჩემპიონთა ლიგის პლეი-ოფის პირველ მატჩში მე-8 გახდა. რაც საკმაოდ უარყოფითი სტატისტიკაა, რადგან მისმა
გუნდებმა პირველ შეხვედრაში წარუმატებლობის შემდეგ მხოლოდ 2-ჯერ დაძლიეს ეტაპის ორი მატჩის ჯამში. 2011 წელს პეპის "ბარსელონამ" 1/8-ფინალში ლონდონის "არსენალთან" სტუმრად 1:2 წაგების შემდეგ, შინ 3:1 მოიგო. ხოლო 2015 წლის მეოთხედფინალში სტუმრად "პორტუსთან" 1:3 დამარცხდა, თუმცა შემდეგ საკუთარ კედლებში 6:1 გაიმარჯვა.
თუ ეს სტატისტიკა თქვენთვის ცნობილია, მაშინ არც ის გაგიკვირდებათ, რაც 9 აპრილის მატჩში მოხდა. ბოლოს გვარდიოლამ ჩემპიონთა ლიგის მეოთხედფინალის საგარეო მატჩში 8 წლის წინ გაიმარჯვა: 2011 წელს სტუმრად დონეცკის "შახტარს" 1:0 მოუგო.
რაში წააგო "სიტიმ" "ტოტენჰემთან"?
ამ კითხვას სტატისტიკიდან რომ გავცეთ პასუხი, ასე იქნება: "ტოტენჰემი" უფრო სახიფათო იყო."სიტის" ბურთის ფლობა (59%) უკეთესი ჰქონდა და უფრო ზუსტი პასებიც (87%), თუმცა პოჩეტინოს გუნდმა უფრო მეტჯერ დაარტყა კარში 13:10 და შექმნილი მომენტების რაოდენობით ერთით მეტი ჰქონდა, რაც ასეთ შეხვედრაში ნამდვილად მოქმედებს.
შეუძლია თუ არა "სიტის" ამ ბარიერის დაძლევა? რა თქმა უნდა, მაგრამ მოახერხებს თუ არა ამის გაკეთებას გვარდიოლა, ეს უკვე სხვა საკითხია.
![alt](/pictures/image50/daad2e2cf6df0c83ea921d98a14d2ba0.jpg "თუ ეს სტატისტიკა იცით, არც გვარდიოლას მარცხი უნდა გაგიკვირდე "ტოტენჰემთან"")
პეპ გვარდიოლა: შემდეგ ეტაპზე გასასვლელად ქამბექის შესრულება გვმართებს![alt](/pictures/image50/6c03805b21dfe36a0c6a4b902dc92b83.jpg "თუ ეს სტატისტიკა იცით, არც გვარდიოლას მარცხი უნდა გაგიკვირდე "ტოტენჰემთან"")
ჩემპიონთა ლიგა. 1/4-ფინალი: ლორისმა პენალტი აიღო, კეინი დაიმტვრა - "ტოტენჰემმა" 1:0 მოიგო [VIDEO]
![სამწვრთნელო კარიერაში პირველად, გვარდიოლამ ზედიზედ 4 მატჩი წააგო - "სიტი" ამჯერად "ბრაიტონთან" დამარცხდა [VIDEO]](/pictures/image7/4f97acd2aa383f7fd5d797e97e61fe01.jpg "სამწვრთნელო კარიერაში პირველად, გვარდიოლამ ზედიზედ 4 მატჩი წააგო - \"სიტი\" ამჯერად \"ბრაიტონთან\" დამარცხდა [VIDEO]")
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
