10 აპრილს, ჩემპიონთა ლიგის პირველ 1/4-ფინალურ მატჩში "ბარსელონამ" გასვლაზე 1:0 სძლია "მანჩესტერს".
სტუმრები დებიუტშივე დაწინაურდნენ: მესიმ ბურთი სუარესს დაუგდო, მან დაარტყა და შოუსგან ავტოგოლი გაიტანა. ლაინსმენმა თამაშგარე მდგომარეობა კი დააფიქსირა, მაგრამ მსაჯმა ვიდეოგამეორების ნახვის შემდეგ გოლი ჩათვალა, რადგან კოუტინიო ბოლოს ბურთს არ შეხებია.
30-ე წუთზე სმოლინგმა მესის იდაყვი სახეში ჩაარტყა, რომელსაც სისხლი წამოუვიდა, თუმცა თამაში გააგრძელა.
მე-40 წუთზე დალოტმა ხელსაყრელი პოზიციიდან ააცილა ბურთი კარს და პირველი ტაიმი 0:1 დასრულდა.
![alt](/pictures/image50/8d7f99c4e5864cbd98138fa64d0b8c00.jpg "ჩემპიონთა ლიგა. 1/4 ფინალი: "ბარსელონამ" სტუმრად მოიგო - "მანჩესტერი" უშანსოდაა? [VIDEO]")
კრის სმოლინგმა ლეო მესი კინაღამ დაასახიჩრა - მას სავარაუდოდ ცხვირის ტიხარი აქვს გაბზარული და თვალი დაზიანებულიშესვენების შემდეგ "ბარსამ" თამაში სასურველ ტემპში წარმართა და გაიმარჯვა.
"ბარსა" "კამპ ნოუზე" განმეორებითი მატჩის წინ გაცილებით უკეთეს მდგომარეობაშია, თუმცა ნუ დაგვავიწყდება, რომ "მანიუმ" სახლში 0:2-ის წაგების შემდეგ პსჟ გამოაგდო.
"მანჩესტერმა" ამ ტურნირზე მე-8 ავტოგოლი გაიტანა, რაც ანტირეკორდია. ამას გარდა, ბოლო 5 მატჩიდან 4 წააგო და 2005 წლის შემდეგ პირველად, კარში ბურთი არ დაურტყამს.
"ბარსამ" სუარესის გოლის წყალობით კი გაიმარჯვა, მაგრამ გოლი მას არ ჩაეთვალა და ტურნირზე გასვლით მატჩებში მისი უგოლო სერია 1 599 წუთს შეადგენს.
მანჩესტერი. "ოლდ ტრაფორდი". 74 093 მაყურებელი
მანჩესტერი - ბარსელონა 0:1
გოლი: შოუ (12, საკ. კარში)
მანჩესტერი: დე ხეა, სმოლინგი, ლინდელეფი, შოუ, იანგი, პოგბა, ფრედი, მაკტომინი, დალოტი (ლინგარდი 74), რეშფორდი (პერეირა 85), ლუკაკუ (მარსიალი 68)
ბარსელონა: ტერ შტეგენი, პიკე, ალბა, სემედუ, ლანგლე, არტური (სერხი 65), ბუსკეტსი (ალენია 90+3), რაკიტიჩი, კოუტინიო (ვიდალი 65), მესი, სუარესი
![alt](/pictures/image50/8e2d27fd920e5aa5f35fd09427e24518.jpg "ჩემპიონთა ლიგა. 1/4 ფინალი: "ბარსელონამ" სტუმრად მოიგო - "მანჩესტერი" უშანსოდაა? [VIDEO]")
ერნესტო ვალვერდე: მეტი მომენტი შევქმენით, ვიწვალეთ და მოვიგეთ
![alt](/pictures/image50/61f1e8a1a91447d4edf57f0f4b4f5da8.jpg "ჩემპიონთა ლიგა. 1/4 ფინალი: "ბარსელონამ" სტუმრად მოიგო - "მანჩესტერი" უშანსოდაა? [VIDEO]")
ოლე-გუნარ სოლსკიაერი: ბარსელონაში გოლის გატანის იმედით მივემგზავრებით
![alt](/pictures/image50/41b0c44ca0e3bcc4182a98c0cee2389b.jpg "ჩემპიონთა ლიგა. 1/4 ფინალი: "ბარსელონამ" სტუმრად მოიგო - "მანჩესტერი" უშანსოდაა? [VIDEO]")
რომელუ ლუკაკუ: ეს პსჟ არაა, "ბარსელონაა", უფრო მაღალი კლასის გუნდი
![alt](/pictures/image50/6571500de17020c349f4c3b33ee8a608.jpg "ჩემპიონთა ლიგა. 1/4 ფინალი: "ბარსელონამ" სტუმრად მოიგო - "მანჩესტერი" უშანსოდაა? [VIDEO]")
ჟერარდ პიკე: პსჟ-მა აქ 2:0 მოიგო და სადაა ახლა?
![alt](/pictures/image50/667fbcb0c203e8110fc75e3b335106a3.jpg "ჩემპიონთა ლიგა. 1/4 ფინალი: "ბარსელონამ" სტუმრად მოიგო - "მანჩესტერი" უშანსოდაა? [VIDEO]")
სერხიო ბუსკეტსი: მესის ბევრი სისხლი წამოუვიდა, ჰემატომა აქვს და მაინც ბოლომდე ითამაშა
