"ლივერპულის" თავდამსხმელი მოჰამედ სალაჰი "ბარსელონას" წინააღმდეგ საპასუხო შეხვედრაში მონაწილეობას ვერ მიიღებს - ეს ოფიციალურად "მერსისაიდელთა" დამრიგებელმა იურგენ კლოპმა დაადასტურა.
გარდა ამისა, ცნობილია, რომ კატალონიელთა წინააღმდეგ ინგლისელთა კიდევ ერთი ლიდერი ფირმინოც არ იქნება.
"სალაჰი ხვალ ვერ ითამაშებს. თავს უკეთ გრძნობს, თუმცა სამედიცინო თვალსაზრისით მზად არ არის. რთული თამაში გველოდება. არ უნდა დაგვავიწყდეს, რომ არა მარტო გოლის გატანა, არამედ საკუთარი კარის მშრალად შენახვაც გვმართებს. ვიცით, რა გამოწვევის წინაშე ვართ და 100 პროცენტით დავიხარჯებით.
მსოფლიოს ორი საუკეთესო თავდამსხმელი დაგვაკლდება, გასატანი კი ოთხი გოლი
გვაქვს. ეს სიტუაციას ართულებს, მაგრამ ვცდით", - განაცხადა იურგენ კლოპმა.
მოჰამედ სალაჰმა ტრავმა 4 მაისს, "ნიუკასლთან" მოგებული (3:2) შეხვედრის მეორე ნახევარში მიიღო.
"ლივერპულისა" და "ბარსელონას" დაპირისპირება 7 მაისს, 23:00 საათზე, "ენფილდზე" გაიმართება.
![alt](/pictures/image50/56e30abc8e00923ebf08b2aeb890690b.jpg "ოფიციალურად: მოჰამედ სალაჰი და რობერტო ფირმინო "ბარსელონას" წინააღმდეგ ვერ ითამაშებენ")
მოჰამედ სალაჰი მოედნიდან საკაცით გაიყვანეს და შეიძლება "ბარსელონასთან" ვერ ითამაშოს
