"ლივერპულის" ნახევარმცველმა ჟორჟინიო ვეინალდუმმა "ბარსელონასთან" ჩემპიონთა ლიგის განმეორებით მატჩში შესვენების შემდეგ შეცვლაზე შესულმა დუბლი შეასრულა და ნამატჩევს სიხარულისგან ჭკუაზე არ იყო.
"დაუჯერებელია. დარწმუნებულნი ვიყავით, რომ 4 გოლის გატანა და ფინალში გასვლა შეგვეძლო. ხალხს ამაში ეჭვი ეპარებოდა.
მწვრთნელზე გაბრაზებული ვიყავი, რადგან ძირითად შემადგენლობაში არ დამაყენა, თუმცა მითხრა, რომ მისი საიდუმლო იარაღი უნდა გავმხდარიყავი. უბრალოდ, გახარებული ვარ, რომ გუნდს დავეხმარე. დუბლის შესრულებით ბედნიერი ვარ", - ციტირებს ვეინალდუმს BBC-ი.
აღსანიშნავია, რომ ეფამ ლივერპული-ბარსელონას მატჩის საუკეთესო ფეხბურთელად სწორედ ვეინალდუმი დაასახელა.
"როცა გასულ კვირას ვეინალდუმი
"კამპ ნოუზე" "ცრუ ცხრიანის" როლში მოგვევლინა, ბევრისთვის ეს შოკი გახდა. თუმცა ის შოკი არაფერია "ბარსელონას" კარში ორი გატანილი გოლის შემდეგ მიღებული შოკისგან, რომლებმაც გადამწყვეტი როლი ითამაშეს ამ დუელზე და მთელი საფეხბურთო სამყარო განაცვიფრეს.
ჰოლანდიელის დუბლმა დაახლოებით 120 წამში, "ლივერპულის" ძველი სუპერ-ჯოკერი დევიდ ფერკლაფი გაგვახსენა, მანაც იცოდა მსგავი მნიშვნელოვანი რამეების კეთება", - წერია უეფას პრესსამსახურის განცხადებაში.
ჩემპიონთა ლიგა. 1/2-ფინალი: "ლივერპულის" ლეგენდარული ქამბექი "ბარსელონასთან"! [VIDEO]
