ლა ლიგის პრეზიდენტი ხავიერ ტებასი საკმაოდ ჭკვიანი და მეურნე კაცია, იცის, რა საფრთხის შემცველია ჩემპიონთა ლიგის რეფორმა ესპანეთის და სხვა ქვეყნების ლიგებისთვის და ამის წინააღმდეგ გაილაშქრა. ყურადღებით წაიკითხეთ.
"ამისათვის სასამართლოებია საჭირო. როდესაც რაღაცაზე ორი მხარე დავობს, საქმე აუცილებლად სასამართლომდე მიდის.
არა მგონია, ცვლილებები მოხდეს. ორი კლუბის გარდა ლა ლიგაში ყველანი ახალი ფორმატის წინააღმდეგნი ვართ.
ძნელი იქნება ისეთი ფორმატის შექმნა, რომელიც ევროპის წამყვანი ლიგების ინტერესებს ეწინააღმდეგება. ამასთან, სხვა ლიგებიც კი ამის წინააღმდეგნი არიან.
მართლაც, ევროტურნირებზე მეტი თანხების გამომუშავება გახდება შესაძლებელი, რადგან
დამატებითი ფული გამოჩნდება და ეს ფული შიდა ჩემპიონატებიდან გადმოიქაჩება. ამით მხოლოდ 18 ან 20 პრივილეგირებული კლუბი მოიგებს, დანარჩენთა შემოსავალი კი შემცირდება.
საშუალო ან ხანგრძლივვადიან პერსპექტივაში პრივილეგირებული კლუბებიც დაზარალდებიან.
ცვლილებები არ იქნება. ხალხი ფიქრობს, რომ ცვლილებები ყოველთვის უკეთესია. ეს ცვლილებები პრივილეგირებულებს ახეირებს, ხოლო დანარჩენებს - აზარალებს", - განუცხადა ტებასმა BBC-ს.
ევროპული კლუბები ბობოლებს აუმხედრდნენ - რა ბედი ელის ჩემპიონთა ლიგას?
პრიმერას პრეზიდენტი: ეს ჩემპიონთა ლიგა აღარ იქნება - იქ ერთი და იგივე 32 გუნდი ითამაშებს
უეფამ ჩემპიონთა ლიგის ახალი პროექტი წარმოადგინა - მდიდრები კიდევ უფრო გამდიდრდებიან, დანარჩენები...
