უეფა იტოვებს უფლებას, 2020/21 წლების ევროტურნირებზე არ დაუშვას კლუბები იმ ქვეყნებიდან, რომლებიც ეროვნულ ჩემპიონატებს ბოლომდე არ მიიყვნენ. აღნიშნულ ინფორმაციას საფეხბურთო აგენტი მარკო ტრაბუკი "ტვიტერის" საკუთარ გვერდზე ავრცელებს.
"უეფამ სულ ცოტა ხნის წინ აცნობა ყველა ქვეყნის ფედერაციას, რომ სეზონი უნდა დასრულდეს. უეფა იტოვებს უფლებას, არ დაუშვას კლუბები იმ ქვეყნებიდან, რომლებიც ეროვნულ ჩემპიონატებს ბოლომდე არ მიიყვანენ. მკაცრი, თუმცა მოსალოდნელი რეკომენდაცია იყო ჩეფერინის მხრიდან ეროვნული ფედერაციების მისამართით", - დაწერა ტრაბუკიმ.
ამ ეტაპზე, მსოფლიოს და ევროპის თითქმის ყველა ჩემპიონატი შეჩერებულია, ბელარუსის პრემიერლიგის გარდა.
აღსანიშნავია,
რომ 2 აპრილს ჩემპიონატის ნაადრევად დასრულების შესახებ ბელგიის ფეხბურთის ფედერაციამ განაცხადა.
ბელგიის ჩემპიონატი დასრულდა - ჩაკვეტაძისა და ქვილითაიას "გენტის" ადგილიც გაირკვა
