12 აგვისტოს, ჩემპიონთა ლიგის მეოთხედფინალში პსჟ-მა "ატალანტა" 2:1 დაამარცხა.
ბერგამოელები ნახევარმცველმა პაშალიჩმა 26-ე წუთზე დააწინაურა, რომელმაც ამ სეზონში ყველა ტურნირზე მე-12 გოლი გაიტანა და პირადი რეკორდი დაამყარა. პარიზელები ინდივიდუალური შეტევებით, მეტადრე ნეიმარის მეცადინეობით ამაოდ ცდილობდნენ საპასუხო გოლის გატანას. მე-60 წუთზე "პარი სენ ჟერმენის" მწვრთნელმა ტუხელმა შეცვლაზე ტრავმამორჩენილი მბაპე შეუშვა და თამაშის შემოტრიალება სცადა.
შემოატრიალა კიდეც - როდესაც ყველას ეგონა, "ატალანტა" მოიგებდა, ჯერ მარკინიოსმა ანგარიში გაათანაბრა, ხოლო შემდეგ ჩუპო-მოტინგმა გამარჯვების გოლი გაიტანა. ეს ტურნირზე ბოლო 6 წელიწადში მისი პირველი გოლია. გოლები პარიზელებმა 149 წამის ინტერვალში გაიტანეს.
პსჟ უკანასკნელ 25 წელიწადში პირველად გავიდა ჩემპიონთა ლიგის ნახევარფინალში, სადაც "ატლეტიკოსა" და "ლაიპციგის" წყვილში გამარჯვებულს დაუპირისპირდება.
ვერც ერთი იტალიური გუნდი ზედიზედ 10 წელიწადში ვერ მოიგებს ჩემპიონთა ლიგას, რაც ანტირეკორდია.
ლისაბონი. "და ლუში"
ატალანტა - პსჟ 1:2
გოლები: 1:0 პაშალიჩი (26), 1:1 მარკინიოსი (90), ჩუპო-მოტინგი (90+3)
პორტუგალიაში ტურნირის კიდევ 3 მეოთხედფინალი ჩატარდება:
13 აგვისტო
ლაიპციგი - ატლეტიკო
14 აგვისტო
ბარსელონა - ბაიერნი
15 აგვისტო
მანჩესტერ სიტი - ლიონი
ლაიპციგი - ატლეტიკო
14 აგვისტო
ბარსელონა - ბაიერნი
15 აგვისტო
მანჩესტერ სიტი - ლიონი
![alt](/pictures/image50/af10a9ffd9b4c33cc35818b652225860.png "ჩემპიონთა ლიგა. 1/4 ფინალი: დრამა - პსჟ-მა "ატალანტას" თითქმის წაგებული მატჩი მოუგო")
ლამაზი მატჩის მოლოდინში - დაამარცხებს გასპერინის ბანდა პსჟ-ის "შანტრაპას"?!
![ჩემპიონთა ლიგა. IV ტური: "ბარსელონა" შეუჩერებელია - იტალიური გუნდების წარმატებული სვლა გრძელდება [VIDEO]](/pictures/image7/9aabdb4edc99f3cf31c03002fb06545e.jpeg "ჩემპიონთა ლიგა. IV ტური: \"ბარსელონა\" შეუჩერებელია - იტალიური გუნდების წარმატებული სვლა გრძელდება [VIDEO]")
