ჩემპიონთა ლიგა. 1/2-ფინალი. "სიტიმ" პსჟ-ს მასტერკლასი ჩაუტარა [VIDEO]

ჩემპიონთა ლიგის განმეორებით ნახევარფინალურ მატჩში "მანჩესტერ სიტიმ" პსჟ ისევ დაამარცხა, ამჯერად 2:0 და ისტორიაში პირველად გავიდა ფინალში. პეპ გვარდიოლა 10-წლიანი პაუზის შემდეგ ფინალშია - საერთო ჯამში, მესამედ.

სახლში 1:2 წაგების შემდეგ პსჟ ისედაც რთულ მდგომარეობაში იყო და მისი სიტუაცია მბაპეს ტრავმამ კიდევ უფრო გაართულა, რომელიც მწვრთნელმა პოჩეტინიომ განაცხადში კი შეიყვანა, თუმცა ვერ ათამაშა. დებიუტში საჯარიმოში ბურთი მხარზე ზინჩენკოს მოხვდა, მსაჯმა კუიპერსმა პენალტი დანიშნა, მაგრამ ვიდეოგამეორების შემდეგ გააუქმა. მალე მარეზმა მასპინძლები დააწინაურა. ამას „პარი სენ ჟერმენის“ იერიშები და მარკინიოსისა და დი მარიას გამოუყენებელი მომენტები მოჰყვა. პირველი ტაიმი „სიტიმ“ მოიგო. პსჟ უხეიროდ ირჯებოდა, ნეიმარი და იკარდი გასაკვირად პასიურები იყვნენ და წარმოუდგენლად მოჩანდა, თუ რის ხარჯზე შეეძლო თამაში შემოეტრიალებინა.

63-ე წუთზე მარეზმა დუბლი შეასრულა და ყველაფერი საბოლოოდ დასრულდა. მარეზმა ტურნირზე ზედიზედ 3 მატჩში გაიტანა და ნავასი ნახევარფინალებში მესამედ დაამწუხრა. შემდეგ მსაჯმა დი მარია ფერნანდინიოსთან უხეშობისათვის პირდაპირი წითელი ბარათით გააძევა, ფოდენმა კი ბურთი ძელს გაარტყა.

მაჩესტერი. "ეტიჰადი"
მანჩესტერ სიტი - პსჟ 2:0
გოლები: 1:0 მარეზი (11), 2:0 მარეზი (63)