უნდა ითქვას, თქვენი მოწონებული ფეხბურთი ვიხილეთ: 93-ე წამზე დე ბრუინმა თანამემამულე კურტუას კარი თავურით დალაშქრა და „ქალაქელები“ დააწინაურა (ტურნირზე "სიტის" ყველაზე სწრაფი გოლია). შემდეგ გაბრიელ ჟეზუსმა ალაბა ჩამოიცილა და ანგარიში გაზარდა. მის ანგარიშზე ბოლო 2 შეხვედრაში 5 გოლია. „ბლანკოსმა“ ჩემპიონთა ლიგის ისტორიაში საწყის 11 წუთში პირველად გაუშვა 2 გოლი. მერე მომენტები მარეზმა და ფოდენმა ვერ გამოიყენეს. სამაგიეროდ, გამოიყენა ბენზემამ, რომელმაც „სამეფო გუნდში“ მე-600 შეხვედრა ჩაატარა.
მეორე ტაიმის დასაწყისში „სიტიმ“ აქტიურად შეუტია და ხელიდან გაშვებული კარგი შანსის შემდეგ ფოდენმა კურტუა დაამწუხრა, თუმცა მალე ჩინებული სოლო-რეიდით ვინისიუსმა ანგარიში ისევ მინიმუმამდე შეამცირა. აქედან მოყოლებული, გვარდიოლას გუნდმა ბურთი დაიჭირა, ტემპი დააგდო და ბერნარდო სილვამ კურტუა გაშეშებული დატოვა - 4:2. მე-80 წუთზე საკუთარ საჯარიმოში ბურთი ხელზე ლაპორტს მოხვდა, ბენზემამ პანენკათი პენალტი გამოიყენა და საბოლოო ანგარიში დააფიქსირა. მან სეზონში კლუბში 41-ე გოლი გაიტანა, ლევანდოვსკის გადაასწრო და 14 გოლით მიმდინარე ტურნირის საუკეთესო ბომბარდირია.
ამ გუნდების საპასუხო მატჩი 4 მაისს მადრიდში გაიმართება.
მანჩესტერი.“ეტიჰადი“. 52 217 მაყურებელი
მანჩესტერ სიტი - რეალი 4:3
გოლები: 1:0 დე ბრუინი (2), 2:0 გაბრიელ ჟეზუსი (11), 2:1 ბენზემა (33), 3:1 ფოდენი (53), 3:2 ვინისიუსი (55), 4:2 ბერნანდო სილვა (74), 4:3 ბენზემა (82, პენ)
![alt](/pictures/image50/acfdd93f6da5fbe70448d9881ac6ecf4.jpg "დიდი მატჩი "ეტიჰადზე" - "სიტიმ" "რეალს" 4:3 სძლია")
"მე ამ თამაშს ვერ მოვიგებ..." - გვარდიოლამ "რეალთან" დაპირისპირებაზე ისაუბრა
!["რეალმა" საოცარ ელ კლასიკოში "ბარსას" სძლია და, ფაქტობრივად, ჩემპიონობა გაინაღდა [VIDEO]](/pictures/image7/1daa5ca3ea1f7734404c293eb5019c44.jpg "\"რეალმა\" საოცარ ელ კლასიკოში \"ბარსას\" სძლია და, ფაქტობრივად, ჩემპიონობა გაინაღდა [VIDEO]")
