![](https://sportall.ge/pictures/image5/ab51e7a76dc867863d77e046fd6d0026.jpeg)
ჩემპიონთა ლიგის ჯგუფური ეტაპის მეხუთე ტურში "რეალმა" საკუთარ მოედანზე 4:2 სძლია "ნაპოლის". ყოფილი მსაჯი ედუარდო იტურალდე გონსალესი თვლის, რომ პიოტრ ზელინსკისთან უხეშობის გამო მასპინძელთა გუნდის მცველი ანტონიო რიუდიგერი გასაძევებელი იყო.
რიუდიგერმა მეორე ტაიმში, როდესაც ანგარიში 2:2 იყო, ზელინსკის ბარძაყში ბუცების ქაცვებით ჩაარტყა, მსაჯმა ფრანსუა ლეტეკსემ კი ანტონიოს არც ყვითელი ბარათი უჩვენა და არც წითელი. ამის შემდეგ პოლონელი შესაცვლელი გახდა. მის ნაცვლად მოედანზე ელიფ ელმასი შევიდა.
!["მსაჯს რიუდიგერი უნდა გაეძევებინა" - იტურალდე გონსალესის აზრით, "რეალის" ფეხბურთელმა განზრახ იუხეშა Sportall.Ge](/pictures/artimages/original/d6b8ff518a5e506e29998f7a9c256ccd.jpg)
"ჩემი აზრით, ეს წითელი ბარათია. ეს ეპიზოდია, რომელსაც ფეხბურთელი მსაჯზე უკეთ აგიხსნით. რიუდიგერმა ფეხი ასწია და
ჰაერში დატოვა, რადგან იცოდა, რომ მეტოქეს ჩაარტყამდა. ბურთის დაუფლებით მან უხეშობა შენიბღა", - ციტირებს იტურალდე გონსალესს As-ი.