მადრიდის "რეალის" მეკარე კეილორ ნავასმა ესპანეთის სუპერთასის პირველი მატჩის წინ "ბარსელონაზე" ისაუბრა და აღნიშნა, რომ კატალონიურ კლუბში მოიძებნება მოთამაშე, რომელიც "პარი სენ-ჟერმენში" გადასულ ნეიმარს შეცვლის."არავისთვისაა საიდუმლო, რაოდენ ნიჭიერი ფეხბურთელია ნეიმარი, - აქვეყნებს ნავასის ნათქვამს Marca. - მაგრამ "რეალი" ვერ განეწყობა მომავალ თამაშზე ისე, თითქოს ერთი ფეხბურთელის წასვლის გამო მეტოქე დასუსტდა. მის ადგილს კატალონიელთა გუნდში სხვა დაიკავებს, რომელიც შეეცდება დაამტკიცოს, რომ ბრაზილიელზე ნაკლები არაფრითაა".
ესპანეთის სუპერთასის პირველი მატჩი "ბარსელონა"-"რეალი" 13 აგვისტოს გაიმართება.
