ლა ლიგას მე-16 ტურში "ბარსელონამ" 4:0 დაამარცხა "დეპორტივო" და როგორც კლუბის დირექტორმა გილერმო ამორმა განაცხადა, 23 დეკემბერს კლასიკოს დაწყების წინ მადრიდის "რეალს" საჩემპიონო კორიდორს არ მოუწყობენ."დეპორტივოს" 2-2 გოლი ლუის სუარესმა და პაულინიომ გაუტანეს. წესით, სუარესი ჰეთ-ტრიკის ავტორიც უნდა გამხდარიყო, მაგრამ მსაჯმა ნაღდი გოლი არ ჩაუთვალა, არადა ბურთმა კარის ხაზი გადაკვეთა.
ლეო მესიმ, რომელმაც თამაშის დაწყებამდე გულშემატკივრებს თავისი მეოთხე "ოქროს ბუცი" უჩვენა, პენალტი ვერ გაიტანა და ეს წელს მის მიერ გაცუდებული მესამე თერთმეტმეტრიანია. უკანასკნელად კატალონიური გუნდის ფეხბურთელმა წელიწადში სამი პენალტი
მესიმ ასულგრანაში მე-200 საგოლე გადაცემა გააკეთა (607 მატჩში), მან ლა კორუნიელებთან მატჩში სამჯერ გაარტყა ბურთი ძელს, სულ კი ამ სეზონში 14-ჯერ.
ბლაუგრანას ფორვარდმა პაკო ალკასერმა 23-ე წუთზე მარცხენა ფეხის კუნთის ტრავმა მიიღო, შეცვალეს, სამი კვირა მოუწევს ბიულეტენზე ყოფნა და ბლანკოსთან ვერ ითამაშებს.
